Америкийн Луйзана мужийн иргэн 71 настай Харви Жозеф Фаунтн гэгчийг бага насны хүүхэд хүчирхийлсэн 100 гаруй хэрэгт буруутган баривчлаад байна. Гэмт этгээдийг сая ам.долларын батлан даалтад суллах нөхцөлтэй гэжээ.

Сэжигтний талаар гомдол мэдүүлсэн даруйд энэ сарын 9-ний өдөр цагдаа нар баривчлан саатуулсан байна. Шериф Стефен Филипсийн хэлснээр хэргийг мөрдөн шалгах үед гэмт этгээд урьд өмнө олон арван удаа хүүхэд хүчирхийлсэн байж магадгүй баримт нотолгоо илэрчээ. Гомдол мэдүүлсэн хохирогч өөрөөс нь гадна олон хохирогч байгаа гэдгийг илчилсэн байна.

Цагдаагийн газраас Жозеф Фаунтн нь 1970-80 оны хооронд 13-аас доош насны хүүхдүүдийг хүчирхийлсэн байж болзошгүй гэдгийг мэдэгдсэн. Хэргийн мөрдөн шалгах ажил үргэлжилж байгаа бөгөөд хэрэгт холбоотой бусад хүмүүсийг олж илрүүлж магадгүй юм байна.

Фаунтн нь өөрийн оршин суудаг Луйзана мужийн Пиневиль хотын орчимд гэмт хэрэг үйлддэг байсан гэж урьдчилсан байдлаар тогтоожээ. Мужийн хуулиар 13-аас доош насны хүүхдийг хүчирхийлж, бэлгийн дарамт үзүүлэх нь нэгдүгээр зэргийн хүчирхийллийн гэмт хэрэгт тооцогддог ба ялын дээд хэмжээ цаазаар авах болон бүх насаараа хоригдох ялтай.

 

Эх сурвалж: www.cnn.com

---