Урлагийн ертөнцөд өөрийн үзэл бодол, уран бүтээлээрээ ялгардаг реппер Т.Мөнх-Эрдэнэ буюу Big Gee ээлжит бие даасан тоглолтоо хийхээр зар тараажээ. Түүний гурав дахь бие даасан тоглолт ирэх зургадугаар сарын 7-нд болох бөгөөд “Зогсохгүй” гэдэг нэртэй аж. Онцлог нь уг тоглолт Төв цэнгэлдэх хүрээлэнд болно. Реппер залуу сүүлд Буриадын дуучин Мэдэгма Доржиеватай хамтран “Эргэцүүлэл” дуугаа сонсогчдодоо хүргэсэн. Мөн “Боссын босс” уран сайхны кинонд тоглосон билээ. Тэрбээр өнгөрсөн хугацаанд “Хил хязгааргүй” нэртэй дөрвөн дуунаас бүрдсэн цомог гаргасан бөгөөд үүнээс буриад бүсгүйтэй хамтарсан “Эргэцүүлэл” дуу залуусын дунд хит болж байгаа юм.

---