БСШУС-ын сайд Ё.Баатарбилэг тушаал гаргаж нэгдүгээр ангид элсэгчдээс шалгалт авч, өрсөлдүүлэхийг хориглосон шийдвэр гаргасан билээ. Уг тушаалыг энэ хавраас мөрдөж эхлэхээ ч өчигдөр/2019.04.09/ онцолсон.

Үүнтэй холбоотойгоор нэгдүгээр ангийн элсэгчдийн бүртгэл явуулж эхлээд байсан зарим сургуулиуд бүртгэлээ зогсоожээ. Тухайлбал, Шинэ Монгол сургууль 04-р сарын 08-наас эхлээд байсан бүртгэлээ зогсоож мэдэгдэл гаргажээ. Мэдэгдэлд,

ЭРХЭМ ХҮНДЭТ ЭЦЭГ ЭХЧҮҮДИЙН АНХААРАЛД:

“...Бид сайдын тушаалыг олж авмагцаа жил бүр зохион байгуулж ирсэн 1-р ангийн элсэлтийн шалгалтын бүртгэлээ зогсоож, 4-р сарын 8-нд элсэлтийн шалгалтын хураамжаа төлж бүртгүүлсэн эцэг эхчүүдэд мөнгийг буцааж, бүртгэлийг хүчингүй болголоо. БСШУС-ын сайдын гаргасан энэхүү гэнэтийн шийдвэр 6 настанд зориулсан элсэлтийн шалгалтыг зохион байгуулах боломжгүйд хүргэв. 
Бид Шинэ Монгол сургууль хийгээд Шинэ Монгол Харүмафүжи сургуульд хүүхдээ элсүүлэх хүсэлтэй байгаа 1000 гаруй эцэг эхийн эрх ашгийг хамгаалах, тэдний хууль ёсны эрхийг хангах үүднээс хүүхдээс шалгалт авахгүйгээр шударга, нээлттэй зарчмын дагуу элсүүлэх арга хэлбэрийн талаар БСШУСЯ-аас албан ёсоор тодруулах болно.” гэжээ.

Өөрөөр хэлбэл, сургуулиуд тухайн сургуульд элсэх хүсэлтэй буй олон хүүхдүүдийг шалгалт авахгүйгээр хэрхэн зохион байгуулах талаараа төдийлөн ойлголтгүй байгаа бөгөөд  түүний гарц, гаргалгааг хайх шаардлага үүсч буйг эндээс харж болно.Харин энэ асуултад БСШУС-ын сайд Ё.Баатарбилэг хэрхэн хариулсныг хүргэе.   

 

---