Хятадын тусгай хоёр бүсийн нэг Хонконгийн ардчиллыг дэмжигчид хамгийн багадаа долоо ба түүнээс дээш жил ял эдэлж хоригдож магадгүй байна.

Тэд Бээжин дэх эрх баригчдаас хараат бус бие даасан байдлыг шаардаж 2014 онд шүхэртэй жагсаал зохион байгуулсан.

Хорих ял сонсож магадгүй ардчиллыг дэмжигч есөн жагсагчийн гурав нь Хонконгийн алдартай тэмцэгчид юм.

Одоогоос таван жилийн өмнө Хонконгийн ардчиллыг дэмжигчид дотоодын сонгуулиар удирдагчаа сонгох эрхийн төлөө жагсаал хийсэн билээ.

Жагсагчдыг социологийн ухааны профессор Чан Кин Ман, хууль эрх зүйн профессор Бенни Тай, Баптист сайд Чу Ю Мин нар удирдан манлайлсан гэж үзжээ.

Бенни Тай дэмжигчдэдээ хандан “өнөөдөр юу болох нь хамаагүй, бид хэзээ ч бууж өгөхгүй байр сууриндаа бат зогсоно” хэмээн мэдэгдсэн байна.

Хүний эрхийг хамгаалагчид Хятадын шүүх байгууллагын үйл ажиллагааг хурцаар шүүмжлэн буруутгажээ.

2014 оны шүхэртэй жагсаалыг Хонконгийн түүхэн дэх хамгийн том хэмжээний жагсаал үздэг юм.

 

Эх сурвалж: www.bbc.com

---