Ерөнхий сайд асан Ч.Сайханбилэг 2018 онд АНЭУ-д айлчлахдаа Оюутолгойн хоёр дахь шатны хөрөнгө оруулалтын гэрээ буюу "Дубайн гэрээ"-г байгуулж байсан. Гэвч уг гэрээ монголын талд ашиггүй гэрээ болсон гэж үзсэн ураас УИХ-аас ажлын хэсэг гарган өнгөрсөн оноос шалгаж эхэлсэн юм. Тэгвэл ажлын хэсгийн дүгнэлтээр Дубайн гэрээг шаардлагатай тохиолдолд цуцлах шаардлагатай гэж үзжээ. Энэ талаар УИХ-ын гишүүн, Оюутолгойн гэрээг шалгах ажлын хэсгийн ахлагч Д.Тэрбишдагваас тодрууллаа.

Д.Тэрбишдагва:

05-р сарын 03-нд ажлын хэсгийн ахлагчаар томилогдоод 06-р сарын 25-ны өдөр танилцуулах ёстой байсан. 06-р сарын 25-ны байдлаар урьдчилсан дүн л гарсан. Тиймээс үргэлжлүүлээд зунжингаа ажилласан. Таван дэд ажлын хэсэг, дөрвөн нам, эрдэм шинжилгээний байгууллага, ахмадууд зэрэг олн хүн ажилласан.

Ажлын хэсгийн ахлагч руу янз бүрийн л зүйл ярьж байна. Миний хувьд ажлын хэсэгт орж ажилласан УИХ-ын гишүүдийн гаргасан санал дээр тулгуурлаад дүгнэлт гаргасан. Түүнээс дан ганц Д.Тэрбишдагвын бодол гэж байхгүй шүү дээ.

Бид өнгөрсөн 3-р сарын 20-ний хийсэн ажлынхаа санал, дүгнэлт, тайланг захирамж гаргасан УИХ-ын даргадаа танилцуулсан. 03-р сарын 21-нд МУ-ын ерөнхийлөгч, ерөнхий сайд нарт гардуулж өгсөн. Харин ямар шийдвэр гарах нь УИХ-аас Тогтоолын төсөл гарсны дараа Эдийн засгийн байнгын хороо, УИХ-аар хэлэлцүүлж байж шийдэгдэнэ.  УИХ-ын дарга тодорхой чиглэл өгнө гэж хүлээж байна.

Дубайн гэрээ бол гэрээ нэртэй төлөвлөгөө юм билээ. Гэрээг өөрчилснөөр, сайжруулснаар, буцааснаар хөрөнгө оруулагчийг хөөгөөд явуулах гэж байгаа юм шиг яриад байна. Гэтэл шийдвэр албан ёсоор гараагүй учир бид ажлын хэсгийн дүгнэлт дээр таван дэд ажлын хэсгийн дүгнэлтийг нэмээд, УИХ-ын гишүүдийн саналаас тусгаад дүгнэлтээ гаргасан. 

Дүгнэлт дээр

-          Оюутолгойн гэрээг сайжруулах

-          Дубайн гэрээг онцгой шаардлага гарвал цуцлах

-          Хөрөнгө оруулагчдын гэрээ ямар болсон

-          Хувь нийлүүлэгчдийн гэрээ ямар болсон

-          Дахин шинэчилсэн гэрээ ямар болсон

-          Дубай нэртэй төлөвлөгөө ямар болсон

-          Гадаад болон монгол хүмүүсийн авч байгаа цалингийн зөрүүтэй байдал яагаад үүссэн гэх мэтээр засч сайжруулах олон асуудлыг шалгаад, яаж засч болохоор байна, ямар нь давуу тал болж байна гэдгийг тусгасан.

Энэ бол маш том материал болсон гэж бодож байна. Бид нэлээн чамбай сууж ажилласан. УИХ-ын тогтоолоор чиглэл өгөнгүүт чиглэлийн дагуу л ажиллах ёстой юм.

---