АНУ-д аялагч жуулчдыг татдаг байгалийн үзэсгэлэнтэй, өвөрмөц тогтоцтой газар бол Grand Canyon юм. Гэтэл энэ газарт сүүлийн найм хоногийн дотор гурван хүн амиа алджээ.

Энэ долоо хоногийн лхагва гарагт 67 настай эрэгтэй хавцлын ирмэгээс унаж амиа алдсан байна. Харин өнгөрсөн долоо хоногийн пүрэв гарагт Хонконгоос ирсэн эрэгтэй хавцлын ирмэгт зураг авах гэж байгаад хальтарч унаад амиа алджээ. Мөн гуравдугаар сарын сүүлчээр Grand Canyon дахь аяллын багтай нэгдсэн гадны жуулчин амиа алдсан байсныг ой модон дотроос цогцсыг нь олсон юм.

Сүүлд амиа алдсан эрэгтэйн цогцсыг хавцлын ирмэгээс доош 120 метрт нисдэг тэргээр аврагчдын баг илгээж илрүүлсэн байна. Grand Canyon үндэсний цэнгэлдэх хүрээлэнгийн ажилтнууд удаа дараалан гарсан хэргүүдийг мөрдөн шалгаж байгаа юм.

Жилд дунджаар ийм 12 хэрэг гардаг гэсэн судалгаа байна. Гэхдээ Grand Canyon үзэхээр ирээд хавцал руу унаж амиа алдсан тохиолдол маш бага хувийг эзэлдэг. Ихэвчлэн хэт халуун цаг агаар, усанд живэх зэрэг эрүүл мэндтэй холбоотойгоор жуулчид амиа алддаг гэжээ.  

 

Эх сурвалж: www.cnn.com

 

---