Марвел студи The Eternals цувралын киног бүтээх ажилдаа хэдийн оржээ. Хамгийн анх 1976 онд хэвлэгдэж байсан The Eternals-ын дөрөвдүгээр хэсгийг дэлгэцэнд амилуулахад Холливудын нэрт жүжигчин Анжелина Жоли гайхамшигт үхэшгүй мөнх Sersi-ийн дүрийг бүтээж магадгүй байна.

Хэдийгээр албан ёсны мэдээлэл гараагүй ч Марвел студийн захирал Кевин Феж киноны талаар ам алдаж, Жолитой гэрээ байгуулах ажил бараг дуусч байгаа гэсэн цуу яриа таржээ. Жүжигчин бүсгүй хамгийн сүүлд Maleficent ид шидийн кинонд гол дүр бүтээснээс хойш дахин үлгэрийн болон зөгнөлт дүрд тоглоогүй байна. The Eternals Жолигийн хамгийн анхны Марвелын дүр болох юм.

 

 

Марвел студийн дөрөвдүгээр сарын 24-ний өдөр нээлтээ хийх Avengers:Endgame дэлхийн үзэгчдийн дунд хүлээлт өндөртэй байна.

 

 

Эх сурвалж: www.theguardian.com

---