Бангладеш улсын иргэн 20 настай Арифа Султана өнгөрсөн хоёрдугаар сард хугацаанаасаа өмнө амаржжээ. Төрснөөсөө хойш 26 хоногийн дараа хэвлийгээр нь өвдөж эмнэлэгт очиход дахин нэг ураг өөр саванд нь байгааг эмч нар олсон байна. Эмэгтэй хоёр савтай байсан ба нэн даруй хийсвэр хагалгаанд оруулж хоёр дахь ургийг эсэн мэнд төрүүлжээ. Хоорондоо бараг сарын зайтай мэндэлсэн ихрийн бие эрүүл мэнд сайн байна.

Бангладеш улсын Жессор дүүргийн эмч мэргэжилтнүүд урьд өмнө ийм зүйлтэй  огт таарч байгаагүй учраас маш их цочирдсон тухайгаа ярьжээ. Арифа Султана хөдөөнөөс ирсэн, нэн ядуу учраас анхны төрөлтөө хүртэл хэт авиа буюу эхо оношилгоонд огт үзүүлж байгаагүй гэнэ. Тиймээс хоёр савандаа эрэгтэй, эмэгтэй ихэр хүүхэд тээж байгаа гэдгээ мэдээгүй байжээ.

Сингапур улсын эмэгтэйчүүдийн эмч Кристофер Нг “эмэгтэйчүүд хоёр савтай байх нь хүмүүсийн боддог шиг хэт ховор тохиолдол биш. Хэрэв эхо оношилгоогоор тодорхой харагддаг боловч хөдөө орон нутгийн, хэт ядуу амьдралтай иргэд төдийлөн мэддэггүй” гэжээ.

Султана бүсгүй ихрүүдээ амжилттай төрүүлж эсэн мэнд байгаадаа баярласан ч санхүүгийн хүндрэлээс болж хэрхэн өсгөхөө мэдэхгүй байна хэмээн ярьсан байна. Түүний нөхөр сард 95 ам.долларын цалин авдаг бөгөөд хүүхдүүдээ эрүүл аз жаргалтай өсгөхийн тулд бүх чадлаараа хичээж ажиллана гэж ярьжээ.

 

 

Эх сурвалж: www.bbc.com

---