Боловсролын салбарт тулгамдаж байгаа асуудлын нэг бол ерөнхий боловсролын сургуулийн сурах бичгийн асуудал. Жил бүр сурах бичгийн хүртээмж, хэвлэлт, тендер, үнэ өртөг, агуулгын талаа ярьдаг болоод удаж байна. Тэгвэл энэ асуудлыг цогцоор эргэж харан ямар асуудал тулгамдаад байгаа талаар хэвлэлийн үйлдвэрийн төлөөлөлтэй өнөөдөр БСШУС-ын сайд Ё.Баатарбилэг уулзлаа. Энэ жилийн улсын төсөвт сурах бичиг хэвлэх мөнгийг суулгаагүй учир хэрхэн нөхөн хангалтыг хийх талаар ярилцсан юм.

 Улсын хэмжээнд 600 мянган сурагч суралцаж байгаа бөгөөд нийт 170 гаруй сурах бичиг ашиглаж байна. Жил бүр сурах бичиг хэвлэдэг ч түүний чанар, агуулагт эргэн хяналт тавьдаггүй хэмээн хэвлэлийн компанийн төлөөлөл дурдаж байлаа.

БСШУСЯ-ныхны ерөнхий боловсролын сургалтын хөтөлбөрийг шинэчлэх бүртээ сурах бичгийг шинэчлэн гаргадаг болсон. Тэгвэл энэ асуудлыг БСШУС-ын сайд хэрэгжиж байгаа цөм хөтөлбөрт судалгаа хийсэн бөгөөд одоо байгаа сурах бичгийн агууллагын  давхцалыг арилгаж, сурагч, багш нарын ачааллыг бууруулах чиглэлээр 2019-2020 оны хичээлийн жилд дорвитой арга хэмжээ авч өөрчлөлт оруулах болно гэлээ.

Ерөнхий боловсролын сургуулийн сурах бичгийг дөрвөн жил ашиглаад шинэчлэх шаардлагатай байдаг. Тэгвэл энэ жил төсөвт мөнгө суугаагүй учир түрээсийн сурах бичиг хөтөлбөрийн хүрээнд Азийн хөгжлийн сангаас үлдсэн 3.7 тэрбум төгрөгийг Засгийн газраас гаргуулан авсан уг мөнгөөр одоо хэрэглэж байгаа сурах бичгүүдийн нөхөн хангангалтыг хийхээс гадна шинээр хэвлэх шаардлагатай сурах бичгийг хэвлэх гэнэ. Ирэх есдүгээр сарын 1-н гэхэд сурах бичгийг хүртээмжтэй болгох зорилт тавин ажиллах талаар хэвлэлийн компани болон боловсролын яамны холбогдох албан тушаалтнууд тохиролцоод хүрч ажиллана гэдгийг Боловсрол соёл шинжлэх ухаан, спортын сайд Ё.Баатарбилэг дурдсан юм.

 

---