Шинэ Зеланд улсын түүхэнд тохиож байгаагүй аймшигт террорист халдлага энэ сарын 15-ны өдөр Крайстчөрч хотын исламын сүмүүдэд болсон. Халдлагын үеэр 50 мөргөлч амиа алдсан бөгөөд өнгөрсөн долоо хоногт хохирогчдыг алсын замд нь үдсэн юм.

Дубай хотод байрладаг дэлхийн хамгийн өндөр /830 м/ барилга Бүрж Халифа цамхаг халдлагын хохирогчдод эмгэнэл илэрхийлж, Шинэ Зеландын Ерөнхий сайд Жакинда Ардернд хүндэтгэл үзүүлсэн байна. Бүрж Халифа цамхаг бүхэлдээ хатагтай Ардерны зургаар гэрэлтжээ.

Арабын Нэгдсэн Эмиртийн Ерөнхий сайд Шейх Мохаммед Твиттертээ “Дэлхий даяар оршин суудаг 1,5 тэрбум исламын шашинтай иргэнийг донсолгосон террорист халдлагын дараа биднийг дэмжиж, хүнд хэцүүг нь ойлгосонд баярлалаа ерөнхий сайд @jacindaardern” гэсэн байна.

 

 

Эх сурвалж: www.cnn.com

---