Төр нийгмийн зүтгэлтэн С.Зориг агсны амь насыг онц хэрцгийгээр хөнөөсөн хэргийг дахин шалгах ажлын хэсгийг байгуулаад удаагүй байгаа билээ.Уг хэргийг үйлдсэн хэрэгт буруутган Ц.Амгаланбаатар, Б.Содномдаржаа, Т.Чимгээ нарыг 24-25 жилийн хорих ял оноож, хаалттай хорих ангид эдлүүлэхээр заасан байдаг. Харин энэхүү хэргийг дахин шалгах ажлын хэсэг шинээр байгуулагдсанаар хэрэг явдал өрнөж, олон нийтийн дунд хэргийн захиалагчийг олж яллах нь гэсэн хүлээлт үүсээд байна. Гэвч АТГ, ЦЕГ, ТЕГ-аас хамтарч шийдвэрлэгдсэн хэргийг дахин шалгаж эхлээд байгаа талаар бид өмнө нь мэдээлсэн. Тэгвэл ажлын хэсэгт ажилласан Н, Б гэх хоёр хүнийг Чингэлтэй дүүргийн шүүхээс 14 хоног хорих захирамж гаргажээ. Учир нь тэднийг ноцтой алдаа гаргаж, Б.Содномдаржаа, Т .Чимгээ , Ц.Амгаланбаатар нарыг эрүүдэн шүүж, ял хүлээлгэсэн байж болзошгүй гэх үндэслэлээр шалгаж эхэлжээ.

---