Японы мэргэжлийн сумо бөхийн хару башё 10 дахь өдрөө Осака хотноо үргэлжлэн явагдаж байна. Өнөөдрөөс эхлэн башё тун сонирхолтой болж эхэллээ. Өнөөдрийн оноолтуудаас харвал хоёр озеки болох Гойёдо (6-3), Точиношин (7-2) нар хоорондоо таарчээ. Мөн түүнчлэн башёг нэг унаатайгаар тэргүүлэгчдийн эгнээнд явж буй озеки Такаясү (8-1) болон Ичиножо А.Ичинноров (8-1) нар хоорондоо барилдах оноолт гарчээ. Урьд өмнө нь хоёр бөх 11 удаа учраа тааран барилдахад таван удаад нь Ичиножо давж байжээ. Хамгийн сүүлд нэг сарын хацу башёгийн эхний өдөр хоорондоо таарахад Ичиножо даваад байгаа юм.
-01.jpg)
Өнгөрсөн башёд түрүүлсэн сэкиваке Тамаваши Б.Мөнх-Оргил өнөөдөр Их аварга Хакүхотой барилдана. Өнгөрсөн башёд түрүүлэхдээ их аваргыг давсан Тамаваши Б.Мөнх-Оргил энэ удаад яах нь сонирхолтой байна.
Сумо бөхийн хару башёгийн 10 дахь өдрийн барилдааныг шууд дамжуулан үзүүлж байна.
Жич: Шууд дамжуулалтын бичлэг нь башё дуусахад хадгалагддаггүй тул та маргааш өглөөний тойм бичлэгийг хүлээн авч үзнэ үү.
