Олон улсын ойн өдрийг угтан ерөнхий боловсролын сургуулийн сурагчдын дунд "Ойд суралцахуй" сэдэвт өдөрлөгийг зохион байгууллаа. Ерөнхий боловсролын сургуулийн 11 сургуулийн 150 гаруй сурагч ойн судлал, ойг яагаад хамгаалах талаар мэдлэг, мэдээлэл олж авсан юм. Уг хөтөлбөрийн хүрээнд Ойн генетик, экофизиологийн лаборатори, Ойн экосистемийн мониторингийн лаборатортой танилцаж, эрдэмтэн судлаачтай уулзаж, сонирхсон асуултаа асуув. 

МУИС-ийн босго оноог хангасан хүүхэд ойн судлалын мэргэжлээр суралцахаар бол байр эзэлсэн байдлыг харгалцахгүйгээр МУИС-д элсэх эрх олгоно

МИУС-ийн босго оноог хангасан сурагч ойн хөтөлбөрөөр МУИС-д суралцах боломжтой

Уг өдөрлөгийн үеэр МУИС, ХШУИС-ийн захирал доктор, профессор Н.Баатарбилэг ойн мэргэжлээр суралцах гэж буй сурагчдад үнэтэй зөвлөгөө хүргэсэн юм. Тэрбээр "МУИС-ийн ойн хөтөлбөрт суралцахаар сонирхож буй бол нэгэн сайхан мэдээг дуулгахдаа таатай байна. МУИС-ийн босго оноог хангасан хүүхэд ойн судлалын мэргэжлээр суралцахаар бол байр эзэлсэн байдлыг харгалцахгүйгээр МУИС-д элсэх эрх олгоно. Ганцхан шаардлага нь босго оноог давсан байхад болно. Уралдаанд оролцож байр эзэлсэн хүүхдүүдэд сургалтын төлбөрөөс тодорхой хувиар хөнгөлөх боломжтой. Нэгдүгээр семистерийн голч дүнгээс хамаарч сургалтын тэтгэлэг хэдэн хувиар хөнгөлөх боломжтойг тогтоодог. Иймд МУИС-ийн ойн хөтөлбөрөөр суралцвал сургалтын хөнгөлөлтийн тэтгэлэгт хамрагдах боломжтой" хэмээв. 

Манай улсад ойн судлалын мэргэжилтэй боловсон хүчин нэн эрэлттэй байдгийг багш, судлаачид энэ үеэр хэлж байсан юм. 

Жил бүрийн гуравдугаар сарын 21-ний өдрийг "Олон улсын ойн өдөр" болгон дэлхий даяар тэмдэглэдэг. Энэ жилийн хувьд "Ой ба боловсрол" сэдвийн дор тэмдэглэн өнгөрүүлэх юм. 

 

---