ЦЕГ-ын Мөрдөн байцаах албаны дарга Д.Отгонжаргал : Энэ оны хоёрдугаар сарын байдлаар цоохор ирвэс дөрөв, ховор амьтны жагсаалтад багтсан хүрэн баавгай дөрөв, халиун буга 12, алтан хойлог шувуу нэгийг хууль бусаар Монгол Улсын хилээр нэвтрүүлэх гэж байсныг мөрдөн шалгаж илрүүлсэн.

ЦЕГ-ын Мөрдөн байцаах албаны хэлстийн дарга П.Эрдэнэбилэг: Өмнө нь дагаж мөрдөж байсан 2002 оны Эрүүгийн хуульд зөвхөн байгаль орчинд хохирол учруулсан байхыг шаарддаг байсан. Тэгвэл одоогийн дагаж мөрдөж байгаа хуулиар тодорхой үйлдлүүдийг хуульчилж өгсөн. Энэ дээр тээвэрлэсэн, худалдсан, борлуулсан, чихмэл хийсэн, гаршуулсан, улсын хилээр нэвтрүүлэхийг завдсан гэх мэтээр тодорхой хуулинд тусгасан. Иргэдийн хувьд би өөрөө агнаагүй юм чинь хүнд тус болоод худалдах, дундаас нь ашиг олох сонирхолоор өөрсдөө гэмт хэрэгт холбогдох нөхцөл байдал үүсдэг гэдгийг анхаарах хэрэгтэй.

Улсын хэмжээнд 27400 га талбай эвдэгдсэн байна

Байгаль орчин аялал жуучлалын яамнаас 2018 онд хөндөгдсөн газрын тооллого бүрэн хийж дууссан. Манай улсын хэмжээнд 27400 га талбай ашигт малтмалын үйл ажиллагааны улмаас эвдэгдсэн гэсэн тоо мэдээ гарсан. Үүнээс нөхөн сэргээлт хийгдээгүй орхигдсон 1100 нэгж буюу 8871 га талбай огт нөхөн сэргээгдээгүй байгаа юм. Мөрдөн байцаах алба, ТББ-тай хамтран дээрх нөхөн сэргээлт хийгээгүй талбайг нөхөн сэргээх талаар энэ жил дорвитой ажил зохион байгуулаар болсон.

---