Өнөөдөр Хөдөлмөрийн тухай хуулийн шинэчилсэн найруулгын төслийн хэлэлцүүлэг боллоо. Уг төслийг нэмэлт, өөрчлөлт оруулах тухай 17 хуулийн төслийн хамт 2018 оны 03 дугаар сарын 26-ны өдөр Улсын Их Хуралд өргөн мэдүүлсэн байдаг.

Хөдөлмөрийн тухай хуулийг 1999 онд баталснаас хойш ямар нэгэн өөрчлөлт хийгээгүй бөгөөд өнөөдөр уг хуульд нэмэлт, өөрчлөлт оруулах хэрэгцээ, шаардлага үүссэн гэж энэ салбрынхан үзэж байгаа юм.  Энэ удаагийн хэлэлцүүлэгт УИХ-ын Нийгмийн бодлого, боловсрол, соёл, шинжлэх ухааны байнгын хороо,  Хөдөлмөр, нийгмийн хамгааллын яам, Хөдөлмөр, нийгмийн зөвшлийн талууд болох Монголын Үйлдвэрчний эвлэлийн холбоо, Монголын ажил олгогч эздийн нэгдсэн холбооны төлөөллүүд оролцлоо.

Хэлэлцүүлэгт оролцсон талуудын байр суурийг бид сонслоо.

Тухайлбал, Хөдөлмөр, Нийгмийн Хамгааллын дэд сайд С.Мөнгөнчимэг Хөдөлмөрийн тухай хуулийн шинэчилсэн найруулгаар хуулийн үйлчлэх хүрээг өргөтгөсөн гэдгийг онцоллоо.

 

 

Х.Амгаланбаатар: шинэчилсэн хуулиар хамтын маргаан үүсгэх боломжгүй болгож байна

Монголын Үйлдвэрчний Эвлэл Хөдөлмөрийн тухай хуулийн шинэчилсэн найруулгын төсөл дээр багагүй шүүмжлэлтэй хандаж байгаа аж. Тэд уг хуулийн төсөлд дордуулсан долоон өөрчлөлт байна гэж үзээд саналуудаа тусгасан байна. Харин үйлдвэрчний эвлэлээс тусгасан нэг саналыг нь огт хүлээж авах боломжгүй гэж хуулийн төсөл санаачлагчид үзжээ. Гэвч нь энэ Олон улсын хөдөлмөрийн байгууллагын өмнө хүлээсэн үүргээ зөрчиж байна гэж үзэж байна.

Үйлдвэрчний эвлэлээс гадна энэ хуулийн төсөлд шүүмжлэлтэй хандаж байгаа хүмүүс бишгүй байлаа. Тэд ажил олгогч болоод хөдөлмөр эрхлэгчдийн төлөөллөөс шинэчилсэн найруулгад илүү цагийн тухай заалтад нарийвчлал хийх шаардлагатайг ч онцолж байсан юм. Ер нь энэхүү хуулийн зарим заалт нь “уриа” төдий л болсон учир ажил хийх сонирхол, эрмэлзэллийг бууруулахаар байна. Тиймээс хуульд хүний эрх, ашгийг хамгаалах бус хүнийг ажил хийлгэх тал руу чиглэсэн хууль байх нь зүйтэй, эс бөгөөс өмнөх хуулийг мөрдөх нь зүйтэй гэсэн байр суурь илэрхийлж байв.

 

---