Католик шашны кардинал асан Жорж Пэллийг бага насны хүүхдүүд хүчирхийлсэн хэрэгт буруутган өнөөдөр өглөө шүүх хурал нь болж өнгөрлөө. Австралийн Мэлбурн хотын шүүх түүнд зургаан жилийн хорих ял оноосон байна. 

Өдгөө 77 настай Францис папын ойрын зөвлөх байсан Пэлл нь бага насны хүүхдүүдэд бэлгийн дарамт үзүүлж хүчирхийлсэн Ватиканы хамгийн өндөр албан тушаалтан байсан юм. Шүүгч Петр Кидд кардинал амьдралынхаа сүүлийн он жилүүдийг хорих газарт нүгэлээ наминчилж өнгөрөөх болсон тухай мэдэгджээ.

Шүүх хурлыг телевизээр шууд дамжуулан үзүүлсэн ба цаг гаруйн хугацаанд үргэлжилсэн байна. Жорж Пэлл гэм буруугүй гэсэн байр сууриа хамгаалсаар байгаа тул ирэх зургадугаар сард давж заалдах шатны шүүхэд хандахаа мэдэгджээ. 

Тэрээр Мэлбурн хотын Гэгээн Патрикын сүмд тэргүүн хамба байхдаа 13 настай хөвгүүдийг ням гарагийн залбирлын дараа өрөөндөө дуудаж оруулан дарс уулгаж хүчирхийлсэн гэж буруутгаад байгаа юм. Тухайн үед байсан хоёр хөвгүүний нэг нь 2014 онд нас барсан бол амьд үлдсэн нь хэргийг гэрчилж мэдүүлэг өгсөн байна. 

Пэллийг уг хэргээс өмнө 1970-аад оны үед бага насны хүүхдүүд хүчирхийлж байсан гэх хэрэг сөхөгдсөн ч хангалттай нотлох баримтгүй гэсэн үндэслэлээр хаагджээ. Австрали улсад байдаг католик сүм хийдийн лам нарын долоон хувь нь бага насны хүүхдийн хүчирхийллийн гэмт хэрэгт холбогдсон гэсэн судалгаа байдаг юм. 

 

Эх сурвалж: www.reuters.com

 

 

 

 

---