Боинг компанийн үйлдвэрлэсэн “Мах” загварын онгоцууд удаа дарааллан осолдсонтой холбогдуулан Хятад, Индонези, Монгол улсуудаас гадна бусад нисэх хүчний компаниуд нислэгээ түр хугацаанд зогсоогоод байгаа юм.

Энэ нөхцөл байдал компанийн хувьцааны ханшид нөлөөлж хөрөнгийн бирж дээр огцом 12 хувиар унасан үзүүлэлттэй байгааг Reuters мэдээлэв.

Дэлхийн хамгийн том онгоц үйлдвэрлэгч компанийн хувьцааны ханш унаснаар хэдэн тэрбум ам.долларын алдагдал хүлээж байгаа нь гарцаагүй юм.

АНУ-ын Холбооны нисэх хүчний газраас олон улсын нисэх хүчнүүд, тэр дундаа “Боинг Мах”-ын худалдан авагч, захиалагч компаниудад хандан нислэгийн аюулгүй байдлыг бүрэн хангасан гэсэн мэдээллийг өгөөд байна.

 

 

Өнгөрсөн ням гарагт Этиоп Эйрлайнсын онгоц осолдсон шалтгаан хараахан тодроогүй ч Америкийн Холбооны нисэх хүчин “Боинг 737 Мах 8” онгоцны аюулгүй байдалд найдаж болно гэдгийг батлан мэдэгдсээр байгаа юм.

Аддис Абаба хотоос Найробиг чиглэсэн ЭТ302 нислэгийг үйлдэж байсан “Боинг 737 Мах 8” онгоц хөөрснөөс хойш зургаан минутын дараа осолдож 157 хүн амиа алдсан.

Аврагчид онгоцны хоёр хар хайрцгийг олсон тул ослын шалтгаан тун удахгүй тогтоогдоно гэж найдаж байна.

 

 

Онгоц нисэх буудлаас 60 км зайд Бишофто тосгоны ойролцоо доошилж нисгэгч Аддис Абабад эргэж газардах зөвшөөрөл хүссэн мэдээлэл бүртгэгдсэн.

Байгалийн онц ноцтой үзэгдэл тохиосон эсэх нь тодорхойгүй ч үзэгдэх орчин хэвийн байсан гэж үзэж байна.

Агаарын хяналтын Flightradar24 төвөөс онгоц хөөрсний дараа хурд нь тогтмол биш байсан гэжээ.

Осол гарсан газрын ойролцоо байсан гэрчүүдийн ярьснаар хүнгэнэх чимээ гарч онгоцны сүүл шатаж байсан байна.

 

 

Боинг компани “737 Мах 8” загварын онгоцдоо 5,011 захиалга аваад байгаагаас 350-ыг нь худалдан авагчдадаа нийлүүлээд байгаа юм. 

 

 

Эх сурвалж: www.bbc.com

---