2000 оны парламентийн сонгуулиар 72 суудал авч улс төрд үнэмлэхүй олонхи болсон МАН /тухайн үеийн МАХН/ засгийн эрхийг барьж байх үедээ энэ шийдвэрийг гаргах гэж байжээ

Өөрөөр хэлбэл, хоёр улсын хамтарсан уулын баяжуулах Эрдэнэт үйлдвэрийн Монголын талын мэдлийн 51 хувийн хувьцааг менежментийн гэрээгээр хувьчлах гэж байсныг өнөөдөр УИХ-ын гишүүн Д.Эрдэнэбат хэлсэн юм.

Тэрбээр "2003 онд “Эрдэнэт” концерн гэж байхад УИХ “Эрдэнэт” ХХК болгож хувийг энгийн хувьцаа руу хувиргасан. Тэр үед 51 хувийг менежментийн хувьчлалд оруулах оролдлого хийж бөөн шуугиан болсон. Тэгээд зогссон. Эрдэнэт үйлдвэрийг энгийн хувьцаатай компани болсны дараа Оросын тал төрийн өмчийн мэдэлд байсан өмчлөлийнхөө хувийг төрийн компани руу шилжүүлсэн. Энэ протокол 2015 онд УИХ-аар соёрхон батлагдсан" гэлээ.

Дашрамд дурдахад 2000-2004 оны хооронд Ерөнхий сайдаар Намбарын Энхбаяр ажиллаж байжээ.

---