Дэлхийн хамгийн эрүүл 10 улсыг нэрлэжээ. 150 гаруй орноос шалгарсан эрүүл 10 улсын оршин суугчдын цусны даралт, цусан дахь глюкоз, жингийн илүүдэл, сэтгэл санааны хямрал, аз жаргал, согтууруулах ундаа тамхины хэрэглээ, дасгал хөдөлгөөн, дундаж наслалт, Засгийн газраас эрүүл мэндийн салбарт зориулж буй хөрөнгө төсвийг харгалзан үзжээ.

Канад улс эдгээр үзүүлэлтээрээ тэргүүлж дэлхийн хамгийн эрүүл улс орноор нэрлэгдсэн бол араас нь Оман, Исланд, Филиппин улсууд багтжээ. Харин эдийн засаг, хөгжлөөрөө тэргүүлэгч Япон, Герман, Итали зэрэг улсууд жагсаалтын эхний 25 байранд ч багтаагүй байна. Эдгээр улсуудын иргэдийн цусны даралтын хэмжээ хэт өндөр гарчээ. 

Исламын шашинтай Ойрхи Дорнодын орнууд согтууруулах ундааны хэрэглээ бага учраас жагсаалтын дээгүүр бичигдсэн байна. Америкийн хувьд жингийн илүүдэл, депресс, идэвхгүй байдлаараа эрүүл 10 улсын тоонд багтаагүй аж. 

Дэлхийн хамгийн эрүүл 10 улс

 

 

1. Канад

2. Оман

3. Исланд

4. Филиппин

5. Мальдив

6. Нидерланд

7. Сингапур

8. Лаос

9. Өмнөд Солонгос

10. Камбож

 

 

 

Эх сурвалж: www.koreatimes.co.kr

---