БНСУ-д хөдөлмөр эрхлэх хүсэлтэй иргэдийн солонгос хэлний түвшин тогтоох шалгалтын 15 дахь удаагийн бүртгэл энэ сарын 11-12-ны хооронд цахимаар бүртгэх гэнэ. Энэ жилийн хувьд цахимаар бүртгэлийн дугаар олгож байгаа нь иргэдийг олон цагаар гадаа зогсоохгүйгээр ажил, гэрээсээ, гар утсаараа бүртгүүлэх боломжийг олгож байна.

Бүртгэлийн дугаар авсан иргэд доорх зааврын дагуу бүртгүүлнэ. Цахимаар бүртгэлийн дугаар олгох сисmем http;//solongos.hudulmur-halamj.gov.mn-д нэвтэрч өөрийн мэдээллийг бүртгүүлнэ. Систем 2019 оны 3 дугаар сарын 11-ний өдрийн 9:00 цагт нээж, 2019 оны 3 дугаар сарын 12-ны 18:00 цагт хаагдана.
Бүртгүүлэх явц:
1. Та зөвхөн өөрийн оршин суугаа дүүргийг сонгоно. Өөр дүүрэг сонгосон тохиолдолд тухайн дүүрэг бүртгэлийн байран дээр дахин баримт бичиг болон бүртгэлийн дугаарын жагсаалтын дагуу таны бичиг баримтыг тулгаж шалгахыг анхаарна уу.
2. Гар утас болон компьютерээс нэвтрэх боломжтой.
3. Өөрийн мэдээллийг буруу оруулсан тохиолдолд дахин бүртгүүлэх боломжгүй.
4. Системд бүртгүүлэх загвар, зөвлөмжийг холбогдох мэдээллийн хэрэгслээр мэдээлнэ.
5. Системийн цонхонд “Та бүртгэгдлээ” гарч ирэхэд таны оршин суугаа дүүргийн Хөдөлмөр, халамжийн үйлчилгээний хэлтсийн бүртгэл хийгдэх хаяг, огноо, цаг минут гарч ирэх тул заасан хугацаанд бүртгүүлнэ. Хоцорсон тохиолдолд дугаар хүчингүй болох тул хариуцлагатай хандана уу.
6. Та бүртгүүлж амжаагүй бол дараа жилийн бүртгэлд хамрагдах боломжтой.

Цахимаар бүртгэгдэж дугаар авсан иргэдийг энэ сарын 13, 14, 15-ны өдрүүдэд харьяа дүүрэгт бүртгэх юм. Харин 21 аймагт уламжлалт аргаар буюу бүртгэл шууд явагдах юм.
 1. Бүртгүүлэгч нь өөрийн биеэр ирнэ.
2. Бүртгүүлэхдээ дараах бичиг баримтыг авч ирнэ.
А. Иргэний үнэмлэх ба хуулбарын хамт /үнэмлэхгүй бол ТҮЦ машинаас авсан лавлагааг үндэслэнэ/
Б. 3,5x4,5 хэмжээтэй цээж зураг 2% сүүлийн 3 сарын дотор авахуулсан байх, фотошопоор засаагүй байх/
В. Бүртгэлийн хураамж 24 ам доллар
Бүртгүүлэгчдэд тавигдах шаардлага:
а. 18-аас 39 настай байх (1979 оны 3-р сарын 14-нээс 2001 оны 3-р сарын 13-ний өдрийн хооронд төрсөн байх)
б. Хорих ялтай эсвэл түүнээс илүү хүнд ялтай гэмт хэрэгт холбогдоогүй байх
в. Солонгосоос албадан гаргах буюу тус улсыг орхин явах захирамж гаргуулж
байгаагүй байх
г. Монгол улсаас гарах эрхээ хязгаарлуулаагүй байх
д. Өнгө ялгах чадвартай байх (нурууны дисктэй, гарын хуруу дутуу тохиолдолд хэлний шалгалтанд орж болох хэдий ч 2 дахь шалгалтанд ажил үүрэг гүйцэтгэх чадамжгүй гэж үзэн хасах болно.)
е. Мэргэжлийн бус ажилчны E-9, усан онгоцны ажлын E-10 визээр БНСУ-д 5-аас дээш ажиллаагүй байх.

Илүү дэлгэрэнгүй мэдээллийг ЭНД дарж орж авна уу. 

 

---