Төрийн өмчит “Монголын төмөр зам” компанийн ТУЗ хуралджээ. Хурлын үеэр Тавантолгой-Гашуун сухайт төмөр замын дэд бүтцийн ажилд хийсэн аудитын дүнг хэлэлцсэн байна. Ингээд одоо байгаа эд хөрөнгө болон дэд бүтцийн ажлыг “Тавантолгой төмөр зам” компанид хүлээлгэн өгчээ.

“Монголын төмөр зам” ТӨХК төслийн явцад хийсэн доод бүтцийн ажил болон кэмпүүд дээрх холбогдох эд хөрөнгийг “Тавантолгой төмөр зам” компанид хүлээлгэн өгөх бөгөөд энэ нь аудитын дүнгээр нийт 276 сая ам.долларын эд хөрөнгө ажээ.

Ажил хүлээлцсэнээр төмөр замын төслийг үргэлжлүүлэх боломж бүрдэнэ гэж “Тавантолгой төмөр зам” компанийн зүгээс үзэж байна. “Тавантолгой төмөр зам”-ын гол хөрөнгө оруулагч нь “Эрдэнэс Тавантолгой” ХХК байх юм.

---