УИХ-ын гишүүн Б.Батзориг, Б.Ундармаа, Л.Энхболд, Д.Дамба-Очир, Г.Солтан нарын таван гишүүнийг албан тушаал, эрх мэдлээ ашиглан ЖДҮХС-аас зээл авсан, банкинд хүүлсэн, зориулалтын бус зарцуулсан хэрэгт яллагдагчаар татаад байгаа билээ. Улсын Ерөнхий прокурорын газраас дээрх таван гишүүний бүрэн эрхийг түдгэлзүүлэх саналыг УИХ-д тавьсан боловч, УИХ авч үлдсэнийг бид мэднэ. 

Гэтэл өнөөдөр хэвлэлийнхэнд мэдээлэл хийсэн УИХ-ын гишүүн О.Баасанхүү нэмж таван гишүүнд яллах дүгнэлт үйлдсэн гэсэн ноцтой зүйл ярилаа. Түүний ярьснаар,   

-ЖДҮХС-тай нэр холбогдсон Д.Дамба-Очир нарын таван гишүүнд яллах дүгнэлт үйлдсэн бөгөөд одоо дахин шинээр таван гишүүний эрхийг түдгэлзүүлэх саналыг Прокуророос оруулж ирэх гэж байна. Энэ дунд нэг эмэгтэй гишүүн байна. Түүний  120 саяыг хүнд бэлэглэсэн асуудлыг нь шалгаж байгаа. Түдгэлзүүлэх саналыг УИХ-ын ээлжит юм уу, ээлжит бус чуулганы үeэр оруулж ирнэ гэж хэллээ. 

---