Энэтхэгийн нисэх хүчин Пакистаны эзэмшилд багтсан Кашмирын бүсэд гал нээж исламын хэт даврагсдад цохилт өгсөн байна.

Пакистанд байдаг Жайш-э-Мухаммад зэвсэгт бүлэглэл өнгөрсөн 14-ний өдөр амиа золиослогчийн халдлагаар Энэтхэгийн Пулвамад цэрэг цагдаагийн 40 гаруй албан хаагчийн амь насыг хөнөөсөн.

Үүгээр зогсохгүй хэд хэдэн террорист халдлага төлөвлөж байгаа гэсэн мэдээлэл авсан даруйд урьдчилан сэргийлэх арга хэмжээ авахын тулд бүлэглэлийн байрладаг Кашмирын бөглүү ойд дайралт хийжээ.

 

 

Уг дайралтаар хэт даврагсдын бүлгийн хэд хэдэн удирдагч, зэвсэгт этгээдүүдийн амийг хөнөөсөн гэж мэдэгдсэн байна.

Кашмирын бүсээс болж зөрчилдсөөр ирсэн цөмийн зэвсэгтэй хоёр орны харилцааг дахин хурцатгасан явдал боллоо гэж барууны эх сурвалжууд бичжээ.

Пакистаны зүгээс Энэтхэгийн нисэх хүчин агаарын хил зөрчиж орж ирсэн ч энгийн ард иргэдэд гарз хохирол учруулаагүй гэсэн байна.

Энэтхэгийн агаарын дайралт хийсэн онгоцууд Пакистаны нутагт онгоцны ачаагаа хаяж ниссэн гэдгийг мэдэгджээ.

 

Эх сурвалж: www.bbc.com

---