НИТХ-ын төлөөлөгч Ц.Баатархүү сэтгүүлчдэд мэдээлэл өглөө.

Тэрбээр "МАН-ын бүлэг нэг өрөөнд хуралдаж чадахгүй хэмжээнд хүрчээ. Нэг хэсэг нь 13 давхарт, нөгөөх нь 14 давхарт хуралдаж байна.  Бид тооллогын комисст хүнээ оруулья, хяная л гэж байгаа. Оруулахгүй байна ш дээ. Өнөөдөр олон улсын байгууллага, яамдууд хотын бүтээн байгуулалтын ажлыг хүлээж байна. Хотын даргыг томилохыг хүлээж байна. Нэгдүгээр сарын 22 нд НИТХ хуралдах байсан. МАН-ын бүлэг завсарлага авсан. НИТХ үйл ажиллагаагаа хийж чадахгүй байдалд орчихоод байна. 45 төлөөлөгчийн 24,5 хувийг Ардчилсан намын бүлэг төлөөлж байгаа. Бид олонхи биш учраас хяналт тавих үүрэгтэй. Сүүдрийн засгийн газрын бүрэлдэхүүнтэй шүү дээ" гэлээ.  

---