Өнөөдөр болох үйл явдлыг хүргэе.

Бүгд найрамдах Өмнөд Судан улсад явагдаж буй НҮБ-ын "UNMISS" энхийг сахиулах ажиллагаанд үүрэг гүйцэтгэсэн Монгол Улсын Зэвсэгт хүчний VII ээлжийн цэргийн багийн удирдлага, бие бүрэлдэхүүн 4 дүгээр цувраагаар эх орондоо өнөөдөр 14.00 цагт газардана.

Зам тээврийн осол ямар шалтгаанаас болж гардаг, хүүхэд болон эцэг, эхчүүдийн буруу үйлдлээс болж ямар аюултай нөхцөл байдал үүсдэг, ослын үед хүний биед ямар гэмтэл, бэртэл учирч болох талаар болон үүнээс хэрхэн урьдчилан сэргийлж, замын хөдөлгөөнд аюулгүй, зөв оролцохыг харуулсан бодит ҮЗҮҮЛЭН СУРГАЛТЫГ өнөөдөр 14 цагт 1-р сургууль дээр нээлттэй зохион байгуулна.

"Ард даатгал" ХК анхдагч зах зээлийн арилжааны захиалгын нээх ёслолын үйл ажиллагаа мөн өнөөдөр Монголын хөрөнгийн биржийн байранд болно.

---