ШШГЕГ-ын харьяа Урьдчилан хорих 461-р ангид  түр саатуулагдан шалгуулж байсан хуульч, өмгөөлөгч Л.Бямбаа энэ сарын 23-нд амиа хорлосон хэрэг гарсан билээ. Түүнийг Салхитын мөнгөний ордтой холбоотой хэрэгт хамаатуулан их хэмжээний мөнгө өгөх гэмт хэрэгт хамтран оролцогчоор сэжиглэн шалгаж байсан тухай Авлигатай Тэмцэх Газраас мэдээлсэн.

Харамсалтай нь 48 цагийн саатуулах хугацаа дуусахтай зэрэгцэн тэрээр өөрийгөө боомилсон хэрэг гарсан юм. Салхитын мөнгөний ордын асуудал дээр хээл хахуулийн хамжигчаар шалгагдаж байсан түүнийг мөн хүүтэй нь хам хэрэгт шалгаж байж болзошгүй гэх таамаг гарч эхэллээ.

Учир нь энэ сарын 15-аас эхлэн үндэслэлгүйгээр хөрөнгөжсөн хэмээн шалгаж буй зургаан шүүгчийн нэг буюу С.Төмөрбат түүний хүү ажээ.

АТГ-аас Дээд шүүхийн шүүгч Ч.Хосбаяр, Ц.Амарсайхан, Д.Мөнхтуяа, Захиргааны хэргийн давж заалдах шатны шүүхийн шүүгч Э.Халиунбаяр, Нийслэлийн захиргааны хэргийн анхан шатны шүүхийн шүүгч С.Төмөрбат, Баянгол дүүргийн Иргэний хэргийн анхан шатны шүүхийн шүүгч Н.Хангал нарын зургаан шүүгчид энэ сарын 15-нд эрүүгийн хэрэг үүсгэн шалгаж байгаа юм.

---