Петр Фарреллийн найруулсан "Green Book" уран сайхны кино 1960-аад оны үед амьдарч байсан Африк гаралтай Америкийн жааз хөгжмийн төгөлдөр хуурч Дон Ширли, түүний жолооч бие хамгаалагч байсан Итали гаралтай Америкийн иргэн Тони Валлелонга нарын бодит түүхээс сэдэвлэн бүтсэн билээ. 91 дэх удаагийн Оскарын шагнал гардуулах ёслолоос шилдэг эрэгтэй туслах дүр, шилдэг кино зохиол гэсэн хоёр төрөлд шагнал хүртээд байсан бол наадмын тэргүүн дээд шагнал болох шилдэг кино төрөлд шалгарч гурав дахь Оскараа хүртлээ.

Ойролцоогоор хоёр цаг 10 минут орчим үргэлжилдэг бодит түүхээс сэдэвлэсэн  "Green Book" бүтээл 23 сая ам.долларын өртгөөр бүтэж 144 сая ам.долларын ашиг орлого цуглуулаад байсан юм.

---