МУГЖ, дуучин Ж.Алтанцэцэгийн "Хайр гэж" тоглолт 3 сарын 8-нд Корпорэйт конвеншн центрт болох гэж буйтай холбогдуулан, түүний фейсбүүк хуудасны админуудын зүгээс үзэгч, сонсогч, фенүүдийнх нь дунд “Ж.Алтанцэцэгийн дууг хэн сайн дуулах вэ” уралдааныг зарлажээ.

МУГЖ дуучин Ж.Алтанцэцэг нь "Сэрүүн зүүд шиг амьдрал", "Чамайг хүнийх гэж бодсонгүй", "Итгэл өгөөч наддаа", "Мандах нар", "Хайраа санана", "Уйллаа шүү" зэрэг олон сайхан хит дуутай. Уралдааны ялагчийг хамгийн олон шэйр, лайк авснаар нь тодруулж, "Хайр гэж" тоглолтын хос тасалбараар урамшуулах юм байна. 

Мартын 8-наар хайртыгаа, ханиа, хайртай ээжийгээ баярлуулахыг хүсвэл энэхүү уралдаанд оролцоорой хэмээн уриалжээ. Бичлэгээ тавихдаа #Хайргэж хаштаг-ийг хэрэглэх юм уу, Алтанцэцэг дуучин фейсбүүк пэйж рүү илгээж болох юм байна.

---