Бангладеш улсын нийслэл Дака хотод дөрвөн давхар орон сууцны барилга шатаж, амь үрэгдсэн хүний тоо 80 гараад байна.

Reuters агентлагийн дамжуулснаар 50 гаруй хүнийг эмнэлэгт хүргэжээ.

Гал орон нутгийн цагаар шөнийн 22 цаг 30 минутын үед гарсан байна.

 

 

Хохирогчдын дунд хуримын үдэшлэгт уригдсан зочид байжээ.

Гал хаанаас эхэлсэн болон шалтгааныг нь хараахан тодруулаагүй.

Шатсан дөрвөн давхар байшин Дака хотын 400 жилийн настай алдарт Чавкбазар дүүрэгт байдаг.

 

 

Энэ дүүрэг нарийн гудмаараа алдартай учраас байшин барилгууд ойрхон байрладгаас зэргэлдээх гурван барилга галд өртжээ.

Галын аюулгүй байдлын стандарт зөрчигдсөнөөс Бангладеш улсад ойрын жилүүдэд хэд хэдэн удаа том хэмжээний гал түймэр гараад байгаа юм.

 

Эх сурвалж: www.bbc.com, www.tass.com

---