CBS телевизийн The World's Best шоунд "Mongolia's Got Talent" шоуны 2016 оны ялагч О.Энх-Эрдэнэ оролцон эхний үзүүлбэр дээрээ "Amarillo by Morning" дууг дуулж шүүгч, үзэгчдээс өндөр үнэлгээ авсан. Тэгвэл дараагийн шатанд хоёр хоёроороо өрсөлдөж, хасагдах журмаар дараагийн шатанд шалгарах юм.

Тэгвэл өнөөдөр О.Энх-Эрдэнэ Энэтхэг улсаас оролцож буй 11 настай төгөлдөр хуурч Лидиан Надхасварамтай өрсөлджээ. О.Энх-Эрдэнэ Жош Тёрнерийн "Your Man" дууг дуулсан бол Лидиан Моцартын "Turkish March"-ийг нүдээ боон тоглож шүүгчдийг гайхашруулав. Шүүгчдээс өгсөн үнэлгээгээр Лидиан О.Энх-Эрдэнээс 10 оноо илүү авч дараагийн шатанд орох эрхтэй болжээ. 

 

---