Хан-Уул дүүргийн 11-р хороо, Дүнжингарав гудамжны хууль бус газартаа Л.Гүндалай барилга бариулсна төлөө нэг байрнаас 3.8 тэрбум төгрөг авч, оршин суугчдын худалдан авсан байрнаасаа нүүхийг шаардаж байгаа талаар манай Livetv.mn өмнө мэдээлсэн билээ.

Тэгвэл манай сурвалжилга гарсны дараа Л.Гүндалай өөрийн эзэмшлийн гэх газартаа барилга бариулсан компаниуд болон иргэдийг дарамталахаас гадна. Пийс виллаж хотхоноос байр худалдан авсан иргэдийг хүч хэрэглэн гэр орноос нь хөөсөн байна. Иймд Л.Гүндалайгаас болж хохироод байгаа барилгын компаниуд болон иргэд өнөөдөр хэвлэлийн хурал хийсэн юм.  

Энэ мэтчилэн барилгын компаниудыг дарамтлахаас гадна Л.Гүндалайгийн ах болох “Батсарай” ХХК-ийн захирал Л.Баяндалай өнгөрсөн амралтын өдөр хэд хэдэн айл өрхүүдийг хүч хэрэглэн, хөөн гаргасан байна.

Иргэн Л.Гүндалай нь өөрийн хамаарал бүхий этгээд болох О.Одсүрэнгийн нэр дээр 5 га газар авснаа уг газар дээр барилга барьж болно хэмээн барилгын компаниудтай гэрээ хийдэг боловч эцэст нь хөрөнгө оруулсан иргэд аж ахуйн нэгжүүдийг дарамталж 1 га газраас 6.6 тэрбум төгрөгийн өртөг бүхий байр орон сууц, автомашины зогсоол авсан мөртлөө баригдаагүй барилгын талбайг тооцож дахин 2.8 тэрбум төгрөг, нийт 9.4 тэрбум төгрөг авахаар улайрч байгааг өнөөдөр болсон хэвлэлийн хурлын үеэр барилгын компаниудын төлөөлөл дурдсан юм.

Л.Гүндалайгийн газар дээр гэрээ байгуулан барилга барьсан компаниуд болон тухайн баригдсан барилгаас орон сууц худалдан авсан оршин суугчид хууль бусаар авч байгаа 1260 метр квадрат орон сууцаа өгөхгүй хэмээн хууль хяналтын байгууллагад хандан Л.Гүндалайг шалгуулна гэдгээ мэдэгдсэн юм.

---