Өнөөдөр УИХ-ын Төрийн байгуулалтын байнгын хороогоор “УИХ-ын чуулганы хуралдааны дэгийн тухай хуулийн хэрэгжилтийн байдал, бусад орны туршлага, түүнийг нэвтрүүлэх боломж” сэдэвт хэлэлцүүлгийг өрнүүлж байна.

Учир нь УИХ-ын гишүүд  чуулганы хуралдаандаа суух нь ховордож, суухгүй байсан ч  хариуцлага ч тооцдоггүй нөхцөл байдал үүсээд удаж буй. Мөн чуулган хуралдлаа ч хэлэлцэх асуудлаас өөр асуудал ярьдаг, чуулганы хуралдаан мэтгэлцээн бус хэрүүлийн шинжтэй болж өнгөрдөг зэрэг олон асуудал гардаг нь чуулганы дэгийн тухай хуультай холбоотой гэж УИХ-ын гишүүд үздэг юм.

Тиймээс УИХ-ын чуулганы хуралдааны дэгийн тухай хуульд өөрчлөлт оруулснаар УИХ-ын чуулганы хуралдаан парламентийн мэтгэлцээний зарчим руу орно гэж УИХ-ын дарга үзэн энэхүү санаачилгыг гаргасан байна.

Хэлэлцүүлгээр

-“УИХ-ын чуулганы хуралдааны шинэчлэлийн зарим асуудал”

-“УИХ-ын чуулганы хуралдааны дэгийн тухай хуулийн хэрэгжилтийн байдалд хийсэн дүн шинжилгээ”

-“УИХ-аас хууль, бусад шийдвэр гаргах босго, бусад орны туршлага” зэрэг илтгэлүүдийг хэлэлцэх юм.

 

---