Америкийн кино академийн 91 дэх удаагийн шагнал гардуулах ёслол орон нутгийн цагаар 24-ний ням гарагт үдшийн 20 цагаас эхэлнэ.

Инээдмийн жүжигчин Кэвин Харт энэ жилийн Оскарын наадмыг хөтлөх хүндтэй үүрэг хүлээсэн ч үзэгчдээс хүлцэл өчиж татгалзсанаар хөтлөгчгүй зохион байгуулагдах болсон.

Марвелын "Avangers" цувралын жүжигчид наадмыг хөтлөн явуулж магадгүй гэсэн цуу яриа гарсан ч тодорхойгүй байгаа юм.

Тиймээс 24-ний шөнө үзэгчдийг гайхшруулах гэнэтийн бэлэг олон бий бололтой.

Тэгвэл Оскарын наадмыг хэрхэн шууд үзэх боломжтой вэ гэдгийг Quartz-ын залуус мэдээлж байна.

Телевизийн сувгаар үзэх бол АНУ-д "ABC" телевиз 18:30 минутад улаан хивсний ёслолоос эхлэн наадмын үйл ажиллагааг шууд дамжуулан үзүүлнэ. 

Харин комьпютер, гар утас, таблетаараа онлайнаар үзэх бол ABC.com сайт болон аппликейшнээр үзэж болно. 

Мөн "Hulu" мэдээллийн сувгаар дамжуулж Live TV, YouTube TV, Sling TV, Playstation Vue, DirecTV Now зэрэг сувгуудыг дагаж Оскарын шагнал гардуулах ёслолтой хамт байх боломжтой.

Өнгөрсөн жилийн Оскарын наадмын үеэр хөшигний ард болсон үйл явдлыг Oscar.com болон албан ёсны Facebook хуудсаар шууд дамжуулж байжээ.  

 

 

 

Эх сурвалж: www.qz.com 

 

---