ШУУД: МАН-ын Хяналтын хороо өчигдөр хуралдаж, С.Мөнхчулуун, Ц.Сандуй нарыг Намын шинэчилсэн дүрэм зөрчсөн гэх үндэслэлээр гишүүнчлэлийг түдгэлзүүлэх шийдвэр гаргасан талаар мэдээлсэн.

Тэгвэл С.Мөнхчулуун энэхүү шийдвэртэй холбоотойгоор өөрийн байр сууриа илэрхийлсэн юм. Тэрбээр, 

МАН-ын хяналтын хорооноос өчигдрийн гаргасан шийдвэр шударга байсангүй, гишүүдээ ялгаврлан үзлээ. Яагаад гэвэл хуулиар олгогдсон эрхийн хүрээнд хотын даргад нэр дэвшсэний төлөө намайг хөөж байгаа нь шударга бус байна.

Шударга бус, ялгаварлан гадуурхсан гэдгийн ганцхан жишээг дурдахад надтай өрсөлдөж цөөнхийн санал авсан НИТХ-ын дарга С.Амарсайхан жил гаруйхны өмнө Намын бодлогыг сөрж заалнаас дэвшин НИТХ-ын дарга болж байлаа. 
Гэтэл С.Амарсайхан жилийн дараа намын бодлогоор НЗД-д нэр дэвшин орж ирдэг, харин миний адил жирийн гишүүд бол намаас хөөгддөг байж болохгүй.

Дээрээсээ дэмжлэггүй хүмүүс бол намын бодлого сөрсөн гэх мэтээр хөөгдөж байж болохгүй. Нийслэлийн намын дарга Д.Сумъяабазар өөрөө намын бодлого сөрөөд л Нийслэлийн намын дарга болсон. Тэгэхээр энэ бол ялгаварлан гаруурхсан, байж болохгүй зүйл гэж харж байгаа. Намын удирдах зөвлөлд өргөдөл гаргана. Хотын даргад заалнаас нэр дэвшихдээ намын бодлогоор дэвшээгүй. Тийм учраас ИТХ-д дахин нэр дэвшиж өрсөлдөнө гэсэн байр суурьтай байгаа.

Намайг 60 тэрбумын хэрэгтэй холбон хөөж байгаа бол өмнө нь шалгахгүй яасан юм бэ. Миний хувьд нийслэлийн Засаг даргад дахин өрсөлдөнө. Нийслэлийн иргэдийн 57 хувийн төлөөлөгчид намайг сонгосон тул өрсөлдөнө.

 

 

---