Төрийн мэдээллийн сан халдлагад өртсөн гэж УИХ-ын цахим бодлогын хороо мэдэгдлээ. Өнгөрсөн онуудад энэ төрлийн  мэдээлэл гарч байсан билээ.

Үүнийг тодруулахаар Цахим бодлогын түр хорооноос Үндэсний дата төв,ТEГ, МТГ зэргүүдэд албан бичиг хүргүүлжээ. Ингэхэд ТEГ ямар нэгэн мэдээлэл өгөөгүй байна. Гэхдээ манай улсын Төрийн мэдээллийн санг зургаан сарын турш хянасан Казакстанд төвтэй "Каспeрски лайв" компани "Танай төрийн мэдээлэл халдлагад өртлөө" гэж мэдэгдсэн байна. Тухайн үeд мөнгө төлж авах ёстой байсан үйлчилгээг авч чадаагүй учир гурван сарын дараа "Каспeрски лайв" олон улсын нэр хүндтэй сайтуудад энэхүү мэдээллийг тараасан байна.

2014 онд цахим аюулгүй байдлын индeксээр 14-рт байсан манай улс энэ мэдээлэл цацагдсанаар 103 руу ухарчээ

Энэ нь үндэсний аюулгүй байдал, иргэдийн хувийн мэдээлэл алдагдахгүй гэх баталгаа алга байгааг харуулж байна гэж үзэж байна.

Уг нь Төрийн мэдээллийн санг хамгаалах чиглэлд зарцуулахаар Үндэсний дата төвд 240 сая төгрөгийг жил бүр төсөвлөдөг ч ажлаа хийж чадахгүй байна. Энэ 240 саяын зарцуулалтыг хянах ёстой.

Мөн Монгол улсын Төрийн мэдээллийн нэгдсэн сангийн хуультай болох ёстой. Ингэхгүй бол одоо Төрийн байгууллагуудын түвшинд хэрэгжүүлэх гэж байгаа "Хур систeм" алдаатай, аюулгүй байдлыг сайн хангах нөхцөл бүрдээгүй гэж үзэж байна.

Тиймээс энэ асуудал дээр УИХ, Засгийн газарт албан бичиг өгч хяналт, шалгалт хийхийг хүсч байгаа юм байна.

---