Америкийн Калифорн мужид уулын арслан өндөр модон дээр тээглэж гацсан байсныг гал сөнөөгчид аварсан байна. Сан Бернардино хотын оршин суугч хашаан доторх цэцэрлэгтээ ажиллаж байгаад модон дээр арслан байгааг олж харжээ.

 

 

Гал сөнөөгчид ойролцоох гудамж талбайг хамгаалалтад авч 15 метр өндөр модноос арсланг аюулгүй буулгасан байна. Аварга муур тун тайван байсан гэдгийг албаныхан мэдээлжээ. Гал сөнөөгчид түүнийг зэрлэг байгальд нь эргүүлэн тавьсан байна.

 

 

Калфиорнийн зэрлэг ан амьтдыг хамгаалах газрын мэргэжилтэн Кэвин Бреннаны хэлснээр залуу арслангууд хотод харагдах нь энгийн үзэгдэл болсон байна. Хэрэв гал сөнөөгчид түргэн ирээгүй бол арслан уурлаж нөхцөл байдал хүндэрч магадгүй байсан гэжээ.

 

 

Уулын арслан нь Бритиш Колумбиагаас Аргентин хүртэл нутаг дэвсгэрт идээшсэн ба хүн рүү дайрсан маш цөөхөн тохиолдол бүртгэгджээ. Арслан өлссөн эсвэл өвдсөн үедээ хүн рүү дайрах тохиолдол гардаг аж.

 

Эх сурвалж: www.bbc.com

 

---