Уур амьсгалын өөрчлөлт нь ирэх 15 жилийн хугацаанд олон мянган хүнийг ядуусын эгнээнд шилжүүлж, дэлхий дахины хөгжлийг хэдэн арван жилээр хойш татаж болзошгүй гэж Дэлхийн банк мэдэгдэв. Хурдацтай хөгжиж буй хотууд уур амьсгалын өөрчлөлтөөс үүдэлтэй гамшгийг даван туулах бэлтгэлгүй байгааг Дэлхийн банк болон Гамшгийн аюулыг бууруулах, сэргээн босгох асуудал эрхэлсэн олон улсын байгууллагын хамтарсан тайланд дурджээ. “Дэлхий дахинд нэг тэрбум гаруй хүн өдөрт 1.25 ам.доллароор амь зууж байна. Хэрвээ улс орнууд уур амьсгалын өөрчлөлтөөс үүдэлтэй гамшгийг даван туулах төлөвлөгөөг боловсруулахгүй бол энэ тоо 2030 он гэхэд 77 саяар нэмэгдэж магадгүй” гэв. Далай, тэнгисийн усны төвшин нэмэгдэх зэрэг уур амьсгалын өөрчлөлтийн нөлөөнд хамгийн ихээр өртөх магадлалтай хотуудыг хамгаалах төслүүдэд хөрөнгө оруулах үйл ажиллагаагааг түргэвчлэхийг Дэлхийн банк Засгийн газруудад хандан уриалсан байна.

“Байгалийн гамшгийг даван туулах арга хэмжээнд өнөөдрөөс эхлэн хөрөнгө оруулалт хийх нь дэлхийн хотууд, тэдгээрийн оршин суугчдын ирээдүйг хамгаалахад чиглэсэн нэн чухал үйлс мөн” гэж тус банкны гүйцэтгэх захирал Еде ИйясзВаскуез мэдэгджээ. Хотуудын дэд бүтцийг уур амьсгалын өөрчлөлтөөс үүдэлтэй гамшгаас хамгаалахад дэлхийн хэмжээнд нэг их наяд ам.доллар шаардлагатай гэж шинжээчид үзэж байгаа. Энэ хөрөнгө оруулалтыг хийхгүй бол хотууд хэдэн зуун тэрбум ам.долларыг алдаж болзошгүй ажээ.

---