Валентины баярыг өргөн дэлгэр тэмдэглэдэг улс орнуудын нэг бол Америк юм. Энэ жил тус улсад нийт насанд хүрэгчдийн 51 хувь нь хайрын баярыг тэмдэглэж, улс даяар 20 тэрбум ам.долларын худалдаа, үйлчилгээ үзүүлнэ гэсэн тооцоо гарчээ. Насанд хүрсэн хосуудын 15 хувь нь бэлгийн карт, 18 хувь нь хувцас үнэт эдлэл, 35 хувь нь цэцэг, 44 хувь нь мэндчилгээ илгээхээр төлөвлөсөн байна. Түүнчлэн хосуудын 1/3 нь гадагш гарахаар, тэн хагас нь чихэр амттан худалдаж авна гэсэн судалгаа гарчээ.

Америкт жилээс жилд Валентины баярын өдөрт зарцуулах төсөв нэмэгдсээр байгаа гэдгийг нотолсон байна. Тухайлбал 2014 онд энэ өдрийг тэмдэглэхэд хосууд дунджаар 68 ам.доллар буюу 178,000 төгрөг зарцуулдаг байсан бол 2018 онд 70  ам.доллар  буюу 185,000 төгрөг зарцуулжээ. Хосууд ихэвчлэн гадуур хооллож, кино үзэж, нэгэндээ бэлэг дурсгалын зүйл өгсөн гэж тооцоход зардал ихэссэн нь киноны тасалбар, зоогийн газрын үнэ ханш нэмэгдсэнтэй холбоотой гэж үзсэн байна.

 

 

Хосууд болзоход дунджаар 175,000 төгрөг зарцуулна

 

Харин Монголчууд бидний хувьд энэ баяр Валентины өдөр гэхээс илүүтэй хайраа илэрхийлэх өдөр хэмээн тэмдэглэх болжээ. Хэдийгээр манайхан энэ баярыг тэмдэглэж эхлээд удаагүй ч хүүхэд залуучуудын дунд ач холбогдолтой баярт тооцогдож байна. Монгол хосууд хамт байхын тулд энэ өдөр хэдэн төгрөг зарцуулж болохыг тооцож үзвэл...

Киноны тасалбар: Энгийн танхимд 8-10,000 төгрөг, тусгай танхимд 15-20,000 төгрөг

Зоогийн газар: Нэг таваг хоол дунджаар 15-25,000 төгрөг, лонх дарс 60-100,000 төгрөг, амттан 7-15,000 төгрөг

Бэлэг: Баглаа цэцэг дунджаар 35-100,000 төгрөг, зүрхэн шоколад 20-40,000 төгрөг

Ингэж тооцвол нийтлэг жишгээр энэ өдрийг хайрттайгаа болзож өнгөрүүлэхэд 175-350,000 төгрөг зарцуулахаар байна. /Энэ тооцоонд үнэтэй бэлэг, тансаг зочид буудлын өрөө багтаагүй болно/

 

 

Эх сурвалж: www.usatoday.com

---