Японы нийслэл Токиод амьдардаг бонсай ургуулдаг гэр бүлээс хүүхэд мэт хайрладаг үнэ цэнэтэй моднуудыг нь хулгайлсан хэрэг гарчээ. Бонсай буюу олон төрлийн модыг жижгэрүүлэн тарьж ургуулдаг Сэйжи Имура түүний эхнэр Фуюуми нарын Сайтама дахь цэцэрлэгт хүрээлэнгээс хулгайчид долоон ширхэг ховор нандин модыг хулгайлсан байна.

Бонсай ургуулагч гэр бүл хулгайд алдагдсан моддоо 13 сая иен буюу 118,000 ам.долларын үнэтэй байсныг мэдэгджээ. Тэдний дунд дангаараа 10 сая иений үнэтэй 400 жилийн настай арцны мод байжээ. Шимпаку нэртэй арцны модыг сайн услахгүй бол нэг долоо хоног ч амьдрахгүй тул өнгөрсөн 400 жилийн хөдөлмөр үгүй болно гэхээс Сэйжигийн гэр бүл эмээж байна. Хэрэв усалгаа асаргааг сайн хийвэл мөнх насалдаг аж.

Ноён Сэйжи болон Фуюумигийн гэр бүл 5,000 га талбайд 3,000 ширхэг бонсай тарьж ургуулжээ. Хэдийгээр хамгийн үнэ цэнэтэй моднуудаа алдсан ч үлдсэн моднуудаа үргэлжлүүлэн харж хандаж, хамгаална гэсэн байна.

 

 

Эх сурвалж: www.cnn.com, www.bbc.com

 

 

---