Жил бүрийн хавар арлын Япон улсад сакура буюу интоорын мод цэцэглэж оршин суугчид, аялагч жуулчдын мэлмий, сэтгэлийг баясгадаг уламжлалтай. Үзэсгэлэнт цэцэгсийг харж мэлмийгээ баясгах нь зөвхөн бие сэтгэлийн таашаал сайхан мэдрэмж төрүүлээд зогсохгүй эдийн засгийн томоохон түлхэц болдог аж.

 

 

Интоорын мод цэцэглэхээс өмнөх долоо хоногуудад худалдаа наймаа эрхлэгчид бэлтгэлээ базааж эхэлдэг. Дэлгүүр, худалдааны төвүүд сакура цэцгийн дүрс хэлбэртэй эд зүйлс худалдаанд гаргаж, интоорын дэлбээтэй шар айраг, цэцгэн чийпс зэрэг хаврын моддын дор амарч, аялж зугаалахад тохиромжтой бүхий л зүйлсийг бэлтгэсэн байдаг. Тухайлбал интоорын цэцэгсийн дэлбээгээр чимэглэсэн Pepsi ундаа хэдий нь худалдаанд гарчээ.

 

 

Сакура дэлбээлэхийг харахаар ирдэг жуулчдын цуваа ч тасардаггүй байна. Тэд Японы уламжлалт соёлтой танилцахаар зорин ирдэг. Интоорын модод хэзээ хэрхэн цэцэглэх нь цаг уур судлаач, сайн дурын мэргэжилтнүүдийн хувьд чухал ажлуудын нэг болжээ. Тэд сакура цэцэглэх үеийг сайтар ажиглаж, хянаж хамгаалах дуртай байдаг байна. Жил бүр интоорын моддыг анхаарч, асардаг 10,000 сая дурын иргэн байдаг аж.

 

 

Энэ жил Японы сакура өвлийн улиралд цэцэглэсэн нь иргэдийг багагүй гайхшруулсан. Цаг уур дулаан байгаагаас эрт цэцэглэсэн байж болзошгүй гэж таамаглаж байгаа юм. Токио хотын интоорын модод гуравдугаар сарын 18-28-ны өдрүүдэд цэцэглэнэ гэж таамаглаж байна. Харин Хоккайдод анхны сакура дөрөвдүгээр сарын 27-ны өдөр цэцэглэнэ гэж үзжээ.

 

 

Эх сурвалж: www.qz.com

---