Хонконг бол Хятадын хоёр тусгай бүсийн нэг, өндөр хөгжилтэй бизнесийн төв болсон боомтын хот. Гэтэл сүүлийн жилүүдэд зэрлэг гахай хүн ам шигүү суурьшсан гудамж талбай, худалдааны төвүүдэд харагдах болжээ.

2013 онд Хонконгийн тэнгэр баганадсан өндөр барилгууд дунд зэрлэг гахай харагдсан 290 орчим тохиолдол бүртгэгдсэн байдаг бол 2018 онд хоёр дахин өссөн байна. 200 кг орчим жинтэй, хоёр метр хүртэл өсдөг, хурц шүдтэй зэрлэг гахай чухам яагаад хүн ам шигүү, хөл хөдөлгөөн ихтэй газруудад харагдах болов гэдгийг мэргэжилтнүүд судалжээ.

 

 

Үнэндээ Хонконг дэлхийн худалдааны төв болсон ч нийт газар нутгийн ердөө 25 хувь нь тэнгэр баганадсан өндөр барилгууд бүхий метрополис хотын зохион байгуулалтад багтсан байна. Үлдсэн нутаг дэвсгэрийн 40 хувь нь дархан цаазтай онгон зэрлэг байгалиараа үлджээ.

 

 

Хонконгчууд зай талбайг нямбай ашиглаж чадсан ч ганцхан алхмын цаана зэрлэг байгаль, өндөр уул, шигүү ой таныг угтна. Бодонгоос гадна могой, үхэр зараа, сармагчин зэрэг ойн хөршүүд тансаг зэрэглэлийн орон сууцанд үзэгдэх нь элбэг. 20 дугаар зуун болчихоод байхад ойн бар гудамжинд хэсүүчилдэг байсан ч энэ явдлыг эрх баригчид зогсоож чаджээ.

2014 оноос хойш зэрлэг гахай хүн гэмтээсэн 10 тохиолдол бүртгэгджээ

Нөгөө талаар зэрлэг гахай тун ухаалаг амьтан гэнэ. Тэд нэг хийсэн үйлдлээ дахин давтах мэдрэмжтэй. Хогийн сав унагааж дотроос нь хоол хүнс олж идэх болсноор хүнээс ч айхаа больж ийнхүү сэлгүүцэх нь ихэссэн гэж зарим оршин суугчид ярьжээ.

 

 

Тэд аюултай юу гэвэл тийм ч айгаад байх зүйлгүй. 2014 оноос хойш зэрлэг гахай хүн гэмтээсэн 10 тохиолдол бүртгэгджээ.

 

 

 

Эх сурвалж: www.cnn.com

---