ШУУД: УИХ, Засгийн газрын гишүүдийн тал хувь нь л ХАСХОМ-ээ өгчээ

Авлигын эсрэг хуулийн дагуу жил бүрийн 2 дугаар сарын 15-ны дотор хуулийн үйлчлэлд хамрагдах албан тушаалтнууд хувийн ашиг сонирхлын болон хөрөнгө, орлогын мэдүүлгээ бүртгүүлэх үүрэгтэй.

Улсын хэмжээнд 2019 онд мэдүүлгээ гаргавал зохих нийт 40.800 орчим албан тушаалтнаас өнөөдрийн байдлаар 33600 орчим мэдүүлэг гаргагч мэдүүлгээ гаргасан нь 84,1%-тай байна.

Харин мэдүүлгээ бүртгүүлэх үүрэгтэй төрийн өндөр болон бусад 280 гаруй албан тушаалтнуудын ердөө 53,9 нь мэдүүлгээ гаргажээ.

УИХ, Засгийн газрын гишүүн-36, Дэд сайд -7, Яамдын Төрийн нарийн бичгийн дарга-4, Газар, агентлагийн дарга-18, Гадаад улсад суугаа элчин сайд, консул-27, бусад-59 нийт 151 албан тушаалтан мэдүүлгээ гаргажээ.

Гэвч мэдүүлэг авч дуусахад ердөө дөрөв хоногт үлдсэн тул АТГ-аас ХОМ-ээ хуулийн хугацаанд бүртгүүлж, хуульд заасан үүргээ хэрэгжүүлэхийг анхааруулж байна.

---