Дасгал хөдлөгөөн таны эрүүл мэндэд юу юунаас илүү чухал гэдгийг эмч мэргэжилтнүүд зөвлөсөөр ирсэн. Олон төрлийн хавдар, чихрийн шижин, зүрх судасны өвчлөлүүдээс сэргийлэхээс гадна биеийн жингээ хэвийн хэмжээнд барихад тань тусалдаг. Гэхдээ таны наснаас шалтгаалж дасгал хөдлөгөөний төрөл өөр өөр байдаг гэдгийг мэргжилтнүүд зөвлөж байна.

Хүүхэд болон өсвөр нас

дасгал хийх нь эрүүл бие галбиртай болох, стресс бухимдлаас ангижрахад тустай

Энэ насанд дасгал хөдлөгөөн биеийн жинг хянах, яс бэхжүүлэх, өөртөө итгэлтэй байдлыг дэмжихээс гадна сайн унтахад тусалдаг. Тиймээс насанд хүрээгүйчүүд өдөрт багадаа нэг цаг дасгал хөдлөгөөн хийх шаардлагатай аж. Ур чадвараа хөгжүүлэх олон төрлийн спорт, тухайлбал усанд сэлэх, сагсан бөмбөг, хөлбөмбөг, гар бөмбөг зэрэг аль болох идэвхтэй хөдөлж болох бүхий л төрлийн дасгал хөдлөгөөнийг сонгох хэрэгтэй. Өсвөр насны охидын идэвхтэй хөдлөгөөн буурах хандлагатай байдаг. Тиймээс дасгал хийх нь эрүүл бие галбиртай болох, стресс бухимдлаас ангижрахад тустай. 

20-оос дээш нас

Залуус энэ насандаа дасгал хөдлөгөөнөөс татгалзаж тамхи татах зэрэг сөрөг зуршилтай болсноор зүрх судасны өвчлөл, чихрийн шижингээр өвчлөх магадлал ихэсдэг. 20 насны дунд үед хүний бие организмын хөгжил дээд түвшиндээ хүрдэг тул булчин шөрмөс хүчилтөрөгчөөр бүрэн хангагддаг. Үүнээс хойш жил тутамд нэг хувиар бие организмын хөгжил удааширдаг. Сайн мэдээ гэвэл та тогтмол дасгал хөдлөгөөн хийснээр уг удаашралыг зогсоож чадна. Энэ насанд хийсэн дасгал хөдлөгөөн таны цаашдын амьдралд ч ач тустай тул аль болох тогтмол, хөнгөн хөгжилтэй дасгал, спортын төрөл зүйл сонгохыг зөвлөж байна. 

 

 

30 нас

Өдөрт 20 минут дасгал хийхэд хангалттай

Урт наслахын тулд дасгал хөдлөгөөн чухал уу? гэсэн асуулт энэ насныханд нийтлэг гарч ирдэг. 30 нас бол ажил амьдралын хувьд өрнүүн үе тул биеэ сэргээн чангалж, зүрх судасны өвчлөлөөс сэргийлэхийн тулд фитнессээр хичээллэх нь тохиромжтой байдаг. Нэн ялангуяа олон цагаар суух шаардлагатай ажил хийдэг бол завсарлагаа авч бие организмаа идэвхтэй байлгах хэрэгтэй. Тухайлбал хэвлэгч машинаа шалгах, нөгөө өрөөнд зочлох, шатаар авирах, өөр давхарт байдаг угаалгын өрөө ашиглах, утсаар ярихдаа зогсоогоороо байх зэрэг боломж л олдвол хөдлөөд байгаарай. Өдөрт 20 минут дасгал хийхэд хангалттай. Энэ насны бүх эмэгтэйчүүд, ялангуяа амаржсан эмэгтэйчүүдэд иог, кегель, өгзөгний дасгал хийх нь давсаг хэвлийг чангалах тустай.

40 ба түүнээс дээш нас

Ихэнх хүмүүс энэ насандаа жин нэмэх хандлагатай байдаг. Тогтмол дасгал хөдлөгөөн биенд хуримтлагдсан калорийг шатааж, булчингийн массыг тогтвортой хэмжээнд барихад тусалдаг. Жимд хичээллэхдээ  жин хасах дасгал хийх нь тохиромжтой. Нурууны өвчнөөс сэргийлж аль болох удаан алхаж, гүйж эхлэхийг зөвлөж байна.

50 нас

Судалгаанаас харахад энэ насандаа дасгал хийх нь зөвхөн биеийн эрүүл мэндээс гадна оюуны чадамжид ч тустай гэдгийг эрдэмтэд зөвлөж байна. Долоо хоногт хоёр удаа алхах зэргээр дасгал хөдлөгөөнтэй байх нь зүрх судасны өвчин, чихрийн шижингээс сэргийлж биеэс гадагшлах дааврын хэмжээг тэнцвэржүүлэн амралт болдог.

 

 

60 нас

60 настнуудын хамгийн том зовиур бол хөгшрөлт ба түүнээс үүдэлтэй хорт хавдрын эрсдэл болон хувирдаг. Идэвхтэй дасгал хөдлөгөөнтэй байх нь хорт хавдраас сэргийлж, бусад өвчин тусах эрсдлийг бууруулна. Долоо хоногт хоёр удаа сунгалтын дасгал, бүжгийн хөдлөгөөн хийх, усан дасгалаар хичээллэх нь чухал байна.

 

Эх сурвалж: www.cnn.com 

 

 


 

I

---