Увс аймагт энэ оны хоёрдугаар сарын байдлаар нийт 11700 тэтгэвэр авч байгаа юм. Эдгээр иргэдийн 7556 тэтгэвэр авагч иргэн 1-34 хүртэлх хугацаатай тэтгэвэрийн зээл авсан байна. Монгол банкны ерөнхийлөгчийн 2018 оны 06 дугаар сарын 20-ны өдрийн А/176 дугаар тушаалын заалтыг цагаан сарын өмнө тулгаж хэрэгжүүлсэн нь иргэдэд дарамт болж байгааг Увс аймгийн Улаангом сумын иргэд эсэргүүцсэн байна. 

Улаангом сумын 150 гаруй өндөр настнууд дээрх журмыг эсэргүүцэн эсэргүүцлийн цуглаан хийсэн гэнэ

Улаангом сумын 150 гаруй өндөр настнууд дээрх журмыг эсэргүүцэн энэ сарын 1-нд эсэргүүцлийн цуглаан хийсэн гэнэ. Иргэдийн санал хүсэлтийг харгалцан Увс аймгийн Засаг дарга Д.Батсайханаас дээрх тушаалын 3 дахь заалтыг хэрэгжүүлэх хугацааг тодорхой хугацаагаар хойшлуулах тухай хүсэлтийг Монгол банкны ерөнхийлөгч Н.Баяртсайхан, УИХ-ын гишүүн, Төсвийн байнгын хорооны дарга Б.Чойжилсүрэн, УИХ-ын гишүүн, Сангийн сайд Ч.Хүрэлбаатар, УИХ-ын гишүүн, БОАЖ-ын сайд Н.Цэрэнбат нарт хүргүүлсэн байна. 

---