УИХ-ын гишүүн, АН-ын дарга С.Эрдэнэ:

-Л.Болд гэдэг хүн анхан шатны намын үүрэндээ өргөдлөө өгөх ёстой. Ингээд үндэн дүрмийн хүрээндээ шийднэ. Энэ хүнийг бариад, хориод байгаа юм ерөөсөө алга.

Л.Болд бол АН-ын буянд монгол төрийн эдэлж болох бүх эрх мэдэлд хүрсэн хүн. Харин би өнөөдрийн ааш, аягийг нь хараад үнэхээр харамсч байна. Намынхаа гишүүдийн буянд хүрч болох бүх эрх мэдэлд хүрчихээд өнөөдөр эргээд мянга мянган гишүүдийнхээ эрх ашиг руу нулимж байгаа нь харамсалтай.

Ер нь АН-ын улс төрийн үйл ажиллагааг тасалдуулна гэж бодож байгаа бол тийм зүйл хэзээ ч болохгүй. АН бол үндэсний хэмжээний нам. УИХ-д бүлэггүй болсон төдийгөөр улс төрийн үйл ажиллагаа нь хязгаарлагддаг нам биш ээ.

УИХ-ын гишүүд бүрэн эрх нь хэвээрээ ажиллаж байгаа цагт хурлын шийдвэрт нөлөөлөх, оролцох эрхтэй. Өмнө нь ч бүлэггүй яваад болоод л байсан юм.

---