Ерөнхийлөгч УИХ-тай харилцан ажиллах бүрэн эрхийнхээ хүрээнд Улсын Их Хурлын чуулганы нэгдсэн хуралдаанд 8 удаа оролцож, УИХ-ын баталсан  4 тогтоолд хориг тавьж, шийдвэрийн  3 төсөл санаачлан өргөн барьжээ.

Мөн 21 байгууллага, 14353 иргэнийг төрийн дээд цол, одон, медалиар, 637 албан хаагчийг энхийн төлөө  медалиар,  8636 эхийг “Алдарт эх” нэг, хоёрдугаар одонгоор шагнажээ.

Түүнчлэн Ерөнхийлөгч уучлал үзүүлэхийг хүссэн 62 өргөдөл хүлээн авч, хянан үзээд шаардлага хангаагүй 21 өргөдлийг буцааж, бусад 41 өргөдлийг судалж байгаа аж. Монгол Улсын харьяат болох 17, Монгол Улсын харьяатаас гарах 561 хүсэлт, Монгол Улсын иргэний харьяаллаа сэргээн тогтоолгох 104 хүсэлт хүлээн авчээ.

Эдгээрийг судалж үзээд Монгол Улсын харьяатаас гаргах тухай зарлигаар 543 иргэний хүсэлтийг, Монгол Улсын харьяат болгох тухай зарлигаар 3 хүний хүсэлтийг шийдвэрлэсэн байна.

Энэ хугацаанд Ерөнхийлөгч хурал зөвлөгөөн, хэлэлцүүлэг, баяр ёслол, иргэдтэй хийсэн уулзалт дээр болон ард түмэндээ хандаж 93 удаа үг хэлжээ.

---