Ямар нэгэн чулуу, гоёл чимэглэл зүүдэггүй хүн ховор. Ээмэг, бөгж зүүхдээ үнэт чулууг эмчилгээний увидастай гэж сонссон ч чухам ямар чулууг хэзээ хэрхэн зүүвэл юунд сайн бэ гэдгийг нарийн сайн мэддэггүй. Тиймээс зөвхөн өөртөө таарч тохирсон чулууг л сонгоорой. Үнэт болон хагас үнэт чулуунуудын эмчилгээний шинж чанаруудыг хүмүүс эрт дээр үеэс гоёлоос гадна ахуйн хэрэглээндээ өргөн ашигласаар ирсэн. Товчхон хэлбэл чулууны “ид шидийг” эрүүл мэндээ анагаахад ашигладаг байжээ. Чулууны ид шидийг хүртэхийн тулд юуны өмнө түүнийг таньж мэддэг байх ёстой. Чулуу том тунгалаг байх тусам эрчим хүч ихтэй байдаг байна. Үнэт болон энгийн гоёлын зэрэглэлд багтдаг байгалийн чулуунууд “моодонд ороод” байгаа өнөө үед чулууны тухай мэдэж байхад илүүдэхгүй биз ээ. 

 

Нэгдүгээр сард төрөгсөд 

 

Анар чулуун, цэнхэр мандлыг сонгож болно. Эдгээр чулуу нь цус алдалтаас сэргийлж, өөдрөг үзэлтэй байлган, хар муу санаа, урвалтаас сэргийлнэ.

 

Хоёрдугаар сард төрөгсөд

 

Нил эрдэнэ, циркон. Та хэрвээ согтууруулах ундаа хүртэх дуртай бол Нил эрдэнэ, циркон нь таныг хэт согтохоос хамгаалж чадна.

 

Гуравдугаар сард төрөгсөд

 

Усан биндэръяа чулуу. Манаар ч орлуулж болно. Эдгээр нь усны аюулаас эзнээ хамгаалдаг. Ялангуяа залуу гэр бүлд байвал тун сайн гэдэг.

 

Дөрөвдүгээр сард төрөгсөд

 

Очир алмаз тун сайн зохидог. Мөн болор. Хорон муу санаа, хар хэл ам, муу санаат  хүнээс хамгаалж, аз жаргал авчирдаг.

 

Тавдугаар сард төрөгсөд

 

Маргад эрдэнэ юм. Маргад нь эрүүл энх, урт насыг бэлгэдэж , итгэл найдварыг авчирдаг. Маргадыг гартаамаар ч мөн орлуулж болно.

 

Зургадугаар сард төрөгсөд 

 

Алөксандр чулуу мөн сувд, маргад. Сайн тал нь халдварт өвчнөөс сэргийлэн, цусыг цэвэршүүлж, муу зүүднээс хамгаалан, цөсний үйл ажиллагааг сайжруулдаг.

 

Долдугаар сард төрөгсөд

 

Бадмаараг. Мөн сувдыг  ч хэрэглэж болно. Эдгээр үнэт эдлэл хатан зоригийн бэлгэдэл юм. Мөн таныг хуурамч найз нөхөд, хараалаас хамгаална.

 

Наймдугаар  сард төрөгсөд

 

Хризолит, мана юм. Эдгээр чулуу нь оюун ухааныг хөгжүүлж, холын аяныг ивээдэг ажээ. Мөн эд юмсыг тань хулгай дээрэм, гэнэтийн аюулаас хамгаалдаг байна.

 

Есдүгээр сард төрөгсөд

 

Индранил, номин, биндэръя. Эдгээр нь бясалгалын чулуу хэмээн хүндлэгддэг. Учир нь ой ухааныг бэхжүүлж, арьсны өвчнийг эмчилдэг гайхалтай үйлчилгээтэй ажээ.

 

Аравдугаар сард төрөгсөд

 

Гэрэлтчимэд буюу Oпал. Үүнийг итгэл найдварын чулуу ч гэж нэрлэдэг. Солонгын долоон өнгийг гаргадаг, зүрхний өвчнийг анагааж, оюун санааны систөмийг хамгаалж, тайвшруулдаг.

 

Арван нэгдүгээр сард төрөгсөд

 

Молор эрдэнэ. Түүнийг  барын нүд, муурын нүд гэсэн чулуунуудаар ч орлуулж болно.Үр дүн нь баяр баясгалангийн чулуу учраас нас уртасгаж, оюун санааны систем болон элгийг хамгаалдаг байна.

 

Арван хоёрдугаар сард төрөгсөд

 

Циркон, оюу. Оюун ухаан, ой тогтоолтыг сайжруулж, аян замд явахдаа зүүвэл бүхий л үйлсийг бүтээж, аюулаас хамгаалдаг байна.

---