Засгийн газрын өнөөдрийн хуралдаанаар хоёрдугаар сарын 8-ны баасан гаригийн ажлын өдрийг энэ бямба гариг буюу хоёрдугаар сарын 2-ны өдөрт шилжүүлжээ.

Гэсэн хэдий ч энэ өдөр /2019.02.02/ тээврийн хэрэгслийг улсын дугаарын сүүлийн оронг нь тэгш, сондгойгоор хязгаарлан хөдөлгөөнд оролцуулах юм.

Учир нь сар шинийн баярыг тохиолдуулан авах зарим арга хэмжээний тухай Нийслэлийн засаг даргын 2019.01.25-ны өдрийн А/54 дүгээр захирамжид зааснаар нэгдүгээр сарын 26, 27, хоёрдугаар сарын 2,3-ны өдрүүдэд тээврийн хэрэгслүүд улсын дугаарын сүүлийн оронгоороо хязгаарлагдаж, хөдөлгөөнд оролцох юм.

Энэ сарын 2-ны бямба гарагт улсын дугаар нь сондгой тоогоор төгссөн тээврийн хэрэгсэл замын хөдөлгөөнд оролцохгүй. Харин ирэх баасан гараг буюу хоёрдугаар сарын 08-ны өдөр амралтын өдөр болгосон тул дугаарын хязгаарлалт мөрдөгдөхгүй юм.

 

---