Авто зам, гүүрийн зураг төсөл боловсруулах, техник, технологийн хяналт тавих чиглэлээр үйл ажиллагаа явуулдаг “Эс Ар Пи Инженер Консалтинг Монголиа” ХХК нь үйл ажиллагааныхаа чанарыг дээшлүүлэх, олон улсын түвшинд хүрсэн зөвлөх үйлчилгээ үзүүлэх зорилгоор байгууллагадаа 2017 оноос чанарын менежментийн тогтолцооны ISO 9001:2015 стандартыг амжилттайгаар нэвтрүүлэн ажиллаж 2018 оны 11 дүгээр сарын 12-ны өдөр чанарын менежментийн тогтолцооны ISO 9001:2015 стандартын баталгаажуулалтын гэрчилгээг Монгол улсын “Монсертф” ХХК-иас гардан авсан. 

 

Улмаар 2019 оны нэгдүгээр сарын 22-нд БНХАУ-ын баталгаажуулалтын хамгийн том байгууллага болох “UICC” группээс Монгол Улсын авто замын салбарт анх удаа чанарын менежментийн тогтолцооны ISO 9001:2015 олон улсын стандартын баталгаажуулалтын гэрчилгээг гардан авч олон улсын түвшний үйл ажиллагаа үзүүлдэг, олон улсын түвшинд хүрсэн дотоодын анхны зөвлөх байгууллага болж чадсан байна. 

 

 

БНХАУ-ын баталгаажуулалтын “UICC” групп нь 1997 онд байгуулагдсан, дотооддоо 25 салбартай, олон улсад салбартай, CNAS, UKAS-ын итгэмжлэлтэй, баталгаажуулалтын төдийгүй сургалт, судалгаа, сорилт, хяналтын чиглэлээр үйл ажиллагаа явуулдаг Хятад улсын баталгаажуулалтын хамгийн том хувийн байгууллага юм.
Монгол улсын тохирлын үнэлгээ, баталгаажуулалтын “Монсертф” ХХК нь БНХАУ-ын баталгаажуулалтын “UICC” группийн өмнөөс аудит хийсэн бөгөөд “UICC” группд бүртгэлтэй, магадлан итгэмжлэгдсэн Монгол аудиторуудын баг ажилласан байна. 

 

Энэхүү БНХАУ-ын “UICC” группийн баталгаажуулалтын гэрчилгээг Монгол улсын компаниуд дундаас “Эс Ар Пи Инженер Консалтинг Монголиа” ХХК нь анх удаагаа авч чадсанаар бусад дэд бүтцийн салбарт үйлдвэрлэл, ажил, үйлчилгээ үзүүлж байгаа дотоодын компаниуддаа үйл ажиллагааныхаа чанарыг дээшлүүлэх, олон улсын түвшинд хүрэх шинэ гарцыг нээж өгсөн байна.

---