Өнгөрсөн жилээс эхлэн тухайн жилийн тэргүүн ном шалгаруулах ёслолын ажиллагааг МНС ТВ санаачлан эхлүүлсэн. Харин энэ жил орчуулгын болон судалгааны, мөн түүхэн, бодит байдлаас сэдэвлэсэн төрөл бүрийн жанрын номноос нохой жилийн тэргүүн номын шалгаруулсан юм. 

Нохой жилийн тэргүүн номоор дэлхийн соёл, яруу найргийн академийн байнгын гишүүн, утга зохиолын доктор, азийн утаг зохиолын шагналт зохиолч, яруу найрагч Дамдинсүрэнгийн Урианхайн 10 боть бүтээлийн чуулган шалгарлаа.

Энэхүү 10 боть нь 2022 он хүртэл хэвлэгдэх 27 боть бүтээлийн эхний 10 боть чуулган нь юм. Урианхай зохиолчийн 40 гаруй номоос бүрдэж байна. Тус 10 ботид философи болон улс төрийн номууд ороогүй, зөвхөн утга зохиолын төрөл зүйлээр бичсэн зохиолууд багтжээ.

Түүнчлэн нохой жилийн шилдэг дөрвөн бүтээл болон шилдэг хэвлэлийн газрыг тодруулсан юм. 

Ц.БАВУУДОРЖ "ШУВУУГ СУЛЛА" /номын танилцуулга болоод товч намтар/

Тэрбээр яруу найргаа түр орхиж, утгын чанад эрэлхийлэн, үргэлжилсэн үгийн төрлөөр бичих болсны нэгэн гэрч нь уншигчдын гар дээр очсон нохой жилийн шилдэг номд багтсан “Шувууг сулла” нэртэй ном юм. “Шувууг сулла” хэмээх өвөрмөц нэртэй ном  яруу найрагчийн сүүлийн үед бичсэн өгүүллэг, бичил өгүүллэг, тууж, жүжгээс багтажээ. 40 орчим өгүүллэг, 80 орчим бичил эссэ 1 тууж, 1 жүжгийг бусад бүтээлээсээ шигшин оруулжээ. Шувууг сулла номонд орсон 1 жүжгийн тухайд Өндөр гэгээн дуулалт жүжгийн зохиол багтсан байна.

“Шувууг сулла” хэмээх өвөрмөц нэртэй ном яруу найрагчийн сүүлийн үед бичсэн өгүүллэг, бичил өгүүллэг, тууж, жүжгээс багтажээ

Д.ТӨРМӨНХ "САНКАРА ЭССЭ РОМАН" / номын танилцуулга болоод товч намтар/

Зохиолч, сэтгүүлч Д.Төрмөнхийн  Амьдралын ёроолд унаад, тэмцэж боссон монгол залуугийн бодит түүхээс сэдэвлэсэн  Санкара эссэ роман нохой жилийн шилдэг номоор шалгарлаа. САНКАРА ЭССЭ РОМАНД Социолист Монголын нийслэлд, урлагийн гэрт өсөж бойжсон зураач залуу дүүгийнхээ хамт гэмт хэрэгт холбогоод дүүгийнхээ хэргийг ах нь өөрөө хийсэн болж тэндээсээ галзуугийн эмнэлэгт хэвтэж олон жил элдэв зовлон үзсэн ч амьдралын ёроолоос уран бүтээлээ эхлэж дараа нь телевиз киноны хүн болж хийсэн киногоороо дэлхийгээс 23 шагнал авсан түүх. Мөн Бясалгалтай учирсан хийгээд зөн ёр хосолсон бодит түүхээс сэдэвлэсэн эссээ роман юм.

 Д.ТӨМӨРТОГОО "МОНГОЛ ХЭЛНИЙ ҮГИЙН ГАРАЛЫН ТАЙЛБАР ТОЛЬ" / номын танилцуулга болоод товч намтар/

Нохой жилийн шилдэг номоор Олон улсын монгол судлалын холбооны хүндэт ерөнхийлөгч, зөвлөх, МУ-ЫН ШУ-ны гавьяат зүтгэлтэн Д.ТӨМӨРТОГООГЫН Монгол хэлний үгийн гаралын тайлбар толь шалгарлаа. Энэхүү ном маш том судалгааны материал юм. Монгол хэлний судлал үүсэн хөгжиж ирсэн хоёр зуу шахам жилийн хугацаанд монгол хэл аялгууны толь, орчуулгын толь, тайлбар толь, бичгийн дурсхал, сурвалж бичгийн үгсийн хэлхээ харь үгийн толь, нэр томьёоллын толь зэрэг үгсийн сангийн олон талын зориулалттай толь бичгүүд олноор гарч байсан. Харин монгол хэлний сургалт судалгааны ажил болон бүх нийтийн бичгийн хэрэглээнд нэн шаардлагатай үгийн толь бичиг гаралгүй хүлээгдсээр эдүгээ хүрлээ. Харин 2018 онд монгол хэлний үгийн гаралын толь бичиг гарсан нь нохой жилийн шилдэг номоор нэрлэгдэж байна.

Японы утга зохиолын томоохон төлөөлөгчдийн бүтээлийг сорчлон орчуулсан О.Жаргалсайханы Хайрын ааш нохой жилийн шилдэг орчуулгын номоор шалгарлаа

О.ЖАРГАЛСАЙХАН "ХАЙРЫН ААШ" / номын танилцуулга болоод товч намтар/

Япон хэлнээс олон роман, тууж, өгүүллэгийг сорчлон орчуулж, уншигчдын оюун санаанд үнэтэй хувь нэмрийг оруулж, уншигч олны талархлыг хэдийнээ хүлээсэн орчуулагч О.Жаргалсайхан билээ. Тэрээр энэ удаа Хайрын ааш ээлжит номоо уншигчиддаа хүргэсэн. Хайр олон ааш араншинтай ч япон зохиолчийн хайрын ертөнц уянгалаг зөөлөн сэтгэлийн асар догдлолтой фантаазлаг, өөдрөг дэврүүн энхрий ялдам санаашрангуй гэгэлгэн, амтлаг гоё биш надад болохоор далайн ус шиг шорвогор мэдрэгдэнэ. Японы утга зохиолын томоохон төлөөлөгчдийн бүтээлийг сорчлон орчуулсан О.Жаргалсайханы Хайрын ааш нохой жилийн шилдэг орчуулгын номоор шалгарлаа. Хэл, соёл, уламжлагыг жинхэнэ утгаар нь тээгч уран зохиолын нэн эртний уламжлалтай, дэлхийн уран зохиолын санд дорнын гүн ухаан, бүр нарийвчилбал зэн буддизмын уг санаанд тулгуурласан сонин содон өнгө аясаараа алдартай Японы уран зохиолыг шимтэн уншиж судлах нь зохиолч, яруу найрагч, утга зохиол сонирхогч, судлаач шүүмжлэгч нарын хувьд ач тустай зүйл мөнөөсөө мөн.

НОХОЙ ЖИЛИЙН ШИЛДЭГ ХЭВЛЭЛИЙН ГАЗАР –НЭПКО

 Нохой жилийн шилдэг хэвлэлийн газраар НЭПКО шалгарч байна. Арав гаруй жилийн туршлагатйа Нэпко компани нь Монголын хамгийн анхны хэвлэлийн газар юм. 2006 оноос үйл ажиллагаагаа эхэлсэн тус компани өнөөдөр үндэсний хэвлэлийн брэнд, гэгээрэл танин мэдэхүйн бэлгэдэл, нийтийн боловсролын ертөнцийн хөтчийн нэг болж чаджээ. Нэпко нь үндэсний ном хэвлэлийн голлох төлөөлөгчийн нэг болоод зогсохгүй орчин цагийн ном бүтээлийн жишиг стандарт, дэлхийн шилдэг номуудыг эх хэлээрээ түгээгч, энэ чиглэлийн үлгэрлэгч болж чадсан юм.

 

---